Янгиликлар
14
Kompozit xızmetlerdiń áhmiyeti: “kompozit xızmet” qanday qolaylıqlarǵa iye?
Kompozit xızmettiń áhmiyeti qanday? Bunda puqara bir waqıttiń ózinde bir ǵana arza beriw arqalı bir neshe xızmetten paydalanıw imkániyatına iye boladı. Kompozit xızmetler arqalı aweregershiliklerdiń aldı alınadi.
Kompozit xızmetlerdiń qolaylıqları sonda máselen Ózbekstan Respublikası Ministrler Kabinetiniń 2024-jıl 29-noyabrdegi 795-sanlı Qararına tiykar naturaq kóshpes múlkti basqa shaxsqa ótkeriw boyınsha kompozit mámleketlik xızmeti jolǵa qoyıldı.
Endilikte yuridikalıq shaxslar arasında naturaq kóshpes múlkti basqa shaxsqa ótkeriw, bul boyınsha dúzilgen shártnamalardı rásmiylestiriw hám huqıqlardı mámleketlik diziminen ótkeriw boyınsha xızmetler kompozit túrde kórsetiledi.
Yuridikalıq shaxslar arasında naturaq kóshpes múlkti tolıq túrde basqa shaxsqa ótkeriw boyınsha shártnamalar Mámleketlik xızmetler orayları arqalı dúziledi. Bir waqıttıń ózinde barlıq processler ámelge asırıladı. Dúzilgen shártnamalar avtomatikalıq túrde Kadastr agentliginiń Mámleketlik kadastrları palatası hámde onıń aymaqlıq basqarmalarına huqıqlardı mámleketlik diziminen ótkeriw ushın jiberiledi. Shaxstı tastıyıqlaw ańsat hám qolay. Arza beriwshilerdi identifikaciya qılıw ushın shaxstı tastıyıqlaytuǵın hújjetler usınıw talap etilmeydi. Bul process Face-ID sisteması arqalı ámelge asırıladı.
Shomanay rayonı ádillik bólimi
Mámleketlik xızmetler orayı
bas qánigesi S.Mırzabayev