Янгиликлар
03
Qaraózek rayonı ádillik bólimi tárepinen 2024-jıl dawamında islengen jumısları haqqında
Ózbekstan Respublikası Prezidentiniń 2018 jıl 13 apreldegi “Mámleketlik huqıqıy siyasattı ámelge asırıwda ádillik uyımları hámde mákemeleri jumısların túp-tiykarınan jetilistiriw ilajları haqqında”ǵı PP-5415-sanlı Pármanı menen rayon(qala) ádillik bólimleri shólkemlestirildi. Ádillik bólimlerine berilgen wákillik sheńberinde Qaraózek rayonı ádillik bólimi tárepinen 2024-jılda bir qansha jumıslar ámelge asırıldı.
Atap aytqanda, Ózbekstan Respublikası Prezidentiniń 2024-jıl 24-may kúngi “Hákimshilik reformalar sheńberinde ádillik uyımları hám mákemeleriniń juwapkershiligin jáne de asırıw hám de ıqsham basqarıw sistemasın qáliplestiriw haqqında”ǵı 80-sanlı Pármanına tiykar, ádillik uyımları iskerligin aymaqlarda nátiyjeli shólkemlestiriw hám de huqıqıy xızmetler qamtıwın jáne de asırıw maqsetinde rayon (qala)lıq ádillik bólimlerine tómendegi qosımsha wazıypalar júkletilgen bolıp, orınlarda xalıq tárepinen kóterilip atırǵan aktual mashqalalardı kórip shıǵıw hám sheshiw ushın hár ayda máhállelerde “Ádillik kúni” ilajların ótkeriw jolǵa qoyıldı.
Bunda alıs aymaqlardaǵı máhállelerde hár ayda keminde eki márte kóshpeli mámleketlik xızmetlerin kórsetip barıw, úyme-úy júriw hám “Huqıqıy kómek” akciyaların ótkeriw arqalı puqaralardıń kúndelikli turmısında anıqlanatuǵın huqıqıy mashqalalardı saplastırıw boyınsha nızamshılıqtı jetilistiriw boyınsha usınıslar tayarlanıp kelinbekte.
Xalıqqa, eń dáslep “Temir dápter”, “Hayallar dápteri”, “Jaslar dápteri” hám de “Sociallıq qorǵaw birden-bir reestri” málimleme sistemasına kirgizilgen puqaralarǵa biypul baslanǵısh yuridikalıq járdem kórsetiliwi támiyinlenbekte.
Mámleketlik uyımları hám shólkemleriniń rayon (qala)lıq bólimleri, jergilikli mámleketlik hákimiyatı uyımları hám de puqaralardıń ózin-ózi basqarıw uyımlarında birden-bir huqıqtı qollaw ámeliyatın qáliplestiriwde olarǵa metodikalıq járdem kórsetip barılmaqta.
Bólim tárepinen fizikalıq hám yuridikalıq shaxslardıń túrli máseleler boyınsha 920 múrájatlar kelip túsip, 851 múrájat hal etilip, sonnan 689 múrájat yaǵnıy 81 payızı qanaatlandırıldı, 162 múrájatqa huqıqıy tusinik berildi, 38 múrájat tiyisliligi boyınsha mámleketlik uyımlarǵa sheshiw ushın jiberildi, 31 múrájat keyingi esabat dáwirine úyreniw ushın qaldırıldı.
Monitoring, úyreniwler nátiyjelerine hám puqaralardıń múrájatlarına tiykar xızmetkerlerge tólenbey kiyatırǵan tólemlerdi óndiriw boyınsha Puqaralıq isleri boyınsha Shımbay rayonlararalıq sudlarına jámi 15 yuridikalıq fakt belgilew boyınsha arza 697 mln sumlıq dawa arza kiritilip, tolıǵı menen qanaatlandırıldı.
Sonday-aq, 2 puqaranıń is stajı máselesinde huqıq hám máplerin qorǵaw maqsetinde Nókis rayonlararalıq Hákimshilik sudına májbúriyat júklew boyınsha 4 shaǵım arza kiritildi.
Sonday-aq, puqaralardıń múrájatlarına hámde ótkerilgen monitoringler hám bólim tárepinen kiritilgen usınıslar nátiyjesinde puqaralarǵa 800 mlnnan artıq muǵdarda puqaralardıń is haqı hám oǵan teńlestirilgen tólemler hám isbilermenlik subektlerine tólenbey qalǵan 430.000(tort júz otız mıń) sum basqa túrdegi tólemler tólep berildi.
Bólim tárepinen mámleketlik uyımlar hám shólkemlerde Nızam hújjetlerine boysınılıwı hámde huqıqtı qollaw ámeliyatı boyınsha mákeme hám shólkemlerde 11 úyreniwler hámde 4 monitoring ótkerilip úyreniwlerde 693 nızambuzıwshılıq halatları anıqlandı.
Bólim tárepinen ótkerilgen úyreniwler, monitoringler, puqaralardıń múrájatları tiykarında, sonday-aq, tapsırma xatlar hám buyrıqlar orınlanıwın tamiyinlew júzesinen mámleketlik uyımlar hám shólkemlerge 10 usınıslar, 13 hákimshilik juwapkershilikke tartıw boyınsha usınıslar berilip, usınıslar nátiyjesine kóre 13 lawazımlı shaxslar hám juwapker xızmetkerler hákimshilik juwapkershilikke tartıldı, 2 xızmetker intizamiy juwapkershilikke tartıldı.
Bólimniń rayonlar (qalalar) hákimleri hám de xalıq deputatları Keńesleriniń normativ-huqıqıy tústegi qararların nızam hújjetlerine, mámleketimizde ámelge asırılıp atırǵan reformalardıń maqset hám wazıypalarına muwapıqlıǵı kóz qarasınan huqıqıy ekspertizadan ótkeriw wazıypasına muwapıq Xalıq deputatları Qaraózek rayonı Keńesiniń hám Qaraózek rayonı hákiminiń 11 normativ-huqıqıy tústegi qarar joybarı huqıqıy ekpertizadan ótkeriliwi ushın usınılıp, belgilengen talaplarǵa ámel etilmey usınılǵanlıǵı ushın 2 qarar joybarı qaytarıldı.
Xalıq deputatları Qaraózek rayonı Keńesiniń 6 normativ-huqıqıy tústegi qarar joybarı Qaraózek rayonı hákiminiń 3 normativ-huqıqıy tústegi qarar joybarı huqıqıy ekpertizadan ótkeriliwi ushın usınılıp, huqıqıy ekpertizadan ótkerilip juwmaq berildi.
Sonday-aq, “E-qaror” sisteması arqalı monitoring etilgende ádillik bólimi tárepinen huqıqıy ekpertizadan ótkerilmey qabıl etilgen 1 hákim qararı qabıl etilgenligi anıqlanıp, biykarlaw boyınsha usınıs berilip biykarlandı hám huqıqıy ekpertizadan ótkergen halda qabıl etiw boyınsha ilajlar kórildi.
Jámiyetde huqıqıy sana sezim hámde huqıqıy mádeniyattı artırrıw hámde xalıqtıń huqıqıy sawatlılıǵın asırıw maqsetinde brifing materialları hám de jańadan qabıl etilip atırǵan nızam hújjetlerine tiykar máhálle, bilimlendiriw mákemeleri hám miynet jámáátlerinde (Ádillik bólimi, Mámleketlik xızmetler orayı, PHAJ, Yuridikalıq xızmet kórsetiw orayı tárepinen) 1259 awızeki sonnan 789 úyme-úy, 64 kórgizbeli, 17 televideniye, 35 radio, 14 gazeta, 259 márte veb-saytlar hám de sociallıq tarmaqlar arqalı jámi 2437 huqıqıy úgit-násiyat ilajları alıp barıldı.
Bólimniń puqaralardıń kúndelikli ómirinde ushrasatuǵın huqıqıy mashqalalardı analiz etip barıw, anıqlanǵan kemshiliklerdi saplastırıw boyınsha sociallıq múnasibetlerdi tártipke salıwshı nızam hújjetleri jetilistiriliwin támiyinlew wazıypasınan kelip shıqqan halda bólim tárepinen nızam hújjetlerin jánede jetilistiriw boyınsha 5 usınıslar berildi hám dawam etpekte.
Qaraózek rayonı ádillik
bólimi baslıǵı A.Iskenderov