Янгиликлар
28
BIR MÚRÁJAT IZINEN
Ózbekstan Respublikası Prezidentiniń 2024-jıl 24-may kúngi “Hákimshilik reformalar sheńberinde ádillik uyımları hám mákemeleriniń juwapkershiligin jáne de asırıw hám de ıqsham basqarıw sistemasın qáliplestiriw haqqında”ǵı PP-80 sanlı Pármanına tiykar Nókis qalası ádillik bólimi Mámleketlik xızmetler orayı xızmetkerleri Nókis qalası Qosbulaq MPJ Maqsetli kóshesinde úyme-úy júriw nátiyjesinde anıqlanǵan mashqalalar qatarında puqara K.B ózine tiyisli “Bayterek” MPJ Nayman kóshesindegi jer uchastkasına qońsı úy iyelik etip otırǵanlıǵı máselesinde múrájat etti. Bul múrájat sol jerdiń ózinde dizimge alınıp, ádillik bólimi tárepinen qadaǵalawǵa alındı.
Ózbekstan Respublikası Ministrler Kabinetiniń 2022-jıl 14-aprel kúngi 183-sanlı Qararı menen tastıyıqlanǵan reje hámde Ózbekstan Respublikası Prezidentiniń 2021-jıl 8-iyun kúngi “Jer múnásebetlerde teńlik va ashıqlıqtı támiyinlew, jerge bolǵan huqıqlardı isenimli qorǵaw hám olardı bazar aktivine aylandırıw ilajları haqqında”ǵı PP-6243-sanlı Pármanınıń 10-bántine tiykar, “Jer qatlamına qaramastan barlıq túrdegi jer uchastkaları hám de jay-imaratlarına bolǵan huqıqlardı mámleket diziminen ótkermeslik jaǵdayların anıqlaw, jer uchastkalarınıń óz basımshalıq penen iyelep alınıwına hám shegaraların óz basımshalıq menen ózgertiwge jol qoymaw ilajların kóriw, jerlerden maqsetli paydalanılıwı ústinen mámleket qadaǵalawı, jer uchastkalarınan maqsetsiz paydalanıw jaǵdayların waqıtında anıqlaw hám ilajlar kóriw wazıypaları Kadastr agentligine júkletilgen.
Puqara K.B. arzasında kórsetilgen máseleni óz jolı menen kórip shıģıw ushın Ózbekstan Respublikası Ekonomika ha’m finans ministrligi janındaǵı kadastr agentligi Qaraqalpaqstan Respublikas Nókis qalası bólimine jiberildi hám Nókis qalası “Bayterek” MPJ Nayman kóshesi boyında jer hàm kadastr qadaǵalaw jumısları alıp barıldı. Sonıń menen birge, Kadastr agentligi, Qaraqalpaqstan Respublikası Nókis qalası bólimi tárepinen úyreniw dawamında toplanǵan hújjetlerge tiykar, puqara T.J tárepinen Nayman kóshesi 75-jayǵa yaǵnıy óziniń turaq jayına irgeles bolǵan 20m2 jer maydandı bugingi kunde hesh qanday hujjetlersiz ózbasımshalıq penen iyelep qorǵansha qurıp qoyǵanlıǵı anıqlandı. Bul jaǵdaylar boyınsha dálalatnama dúzildi hám bayanlama rásmiylestirilip,15-kún múddet ishinde ıqtıyarıy saplastırıwı boyınsha jazba kórsetpe (ESKERTIW) berildi.
Nátiyjede Nókis qalası Qosbulaq MPJ Maqsetli kóshesi 10-jayda jasawshı puqara K.B nıń ózine tiyisli “Bayterek” MPJ Nayman kóshesindegi jer uchastkası menen baylanıslı mashqalası unamlı sheshim tawıp múrájatı qanaatlandırıldı.
Nókis qalası ádillik bólimi
Mámleketlik xızmetler orayı
bólim baslǵı K.Ospanova