Янгиликлар
24
Konstituciyalıq reformalar
Hár bir mámlekettiń rawajlanıwında álbette ótkerilip atırǵan jańa reformalardıń ornı bólek. Konstituciya mámlekettiń tiykarǵı nızamı. Ol mámlekettiń dúzilisi, húkimet hám basqarıw shólkemleri sistemasın, olardıń kepilligi hám de qáliplestiriw tártibi, saylaw sisteması, puqaralardıń huqıq hám erkinlikleri, jámiyet hám shaxstıń óz-ara qatnasıqları, sonıń menen birge, sud sistemasınıń hám de mámleket hám jamiyettiń óz-ara qatnasıqların belgilep beredi. Jańalanǵan Konstituciyamız 2023-jıl 30-aprelde referendum ótkeriw jolı menen qabıl etildi. Konstituciya 6-bólim, 27-bab, 155-statyadan ibarat. Jańalanǵan Konstituciyamızda xalqımızdıń talap hám tilekleri inabatqa alınıp, isshi topar dúzilgen halda úyrenip shıǵıldı. Bunnan tısqarı, 190 nan aslam mámleketlerdiń Konstituciyaları kórib shıǵıldı.
Jańalanǵan Konstituciyamızda kámbaǵallıqtı kemeytiw, bántlikti támiyinlew, jumıssızlıqtan qorǵaw boyınsha normalar belgilengen.
Atap aytqanda, Konstituciyamızda hár kimniń turaq-jaylı bolıw huqıqı belgilengen. Bul normalar hár bir puqara óz turar jerine iye bolıwına hám turmıstan razılıq dárejesin asırıwına járdem beredi.
Bunnan tısqarı, Konstituciyamızda mámlekettiń oqıtıwshılar abıroyın hám mártebesin qorǵaw, olardıń sociallıq hám materiallıq parawanlıǵı, kásiplik tárepten ósiwi haqqında ǵamxorlıq qılıw minnetlemesi jazıp qoyılǵan. Bunnan tısqarı ólim jazasınıń biykar bolıwı, advokatlardıń óz aldına bab bolıwı, bul álbette kásibine tiyisli huqıqları, abıroyın nızam menen qorǵalıwın bildiredi. Bul reformalardıń tup-tiykarında xalqımızdın parawan turmıs keshiriwi, mámleketimizdiń jánede rawajlanıwına mákán jaratadı.
Qońırat rayonı ádillik bólimi
2-sanlı PHAJ bólimi
1-dárejeli inspektorı A.Allashukirova