Янгиликлар
28
Familiyası, atı, ákesiniń atın ózgertiw tiykarları
Ózbekstan Respublikası Ministrler Kabinetiniń 2023-jıl 20-oktyabrdaǵı 550-sanlı “Neke, shańaraq hám puqaralıq halatı aktlerin jazıw tarawında normativ-huqıqıy hújjetlerdi sistemalastırıw haqqındaǵı qararına tiykarlanıp tártiplestiriledi.
Familiya, atı hám áke atın ózgertiw haqqındaǵı arza arza beriwshi 16 jasqa tolǵannan keyin, onıń turaqlı (waqtınsha ) dizimnen ótken jerine qaramastan, PHAJ uyımı tárepinen kórip shıǵıladı.
Eger 16 jasqa tolǵan shaxs puqaralıq pasportı (identifikaciyalaytuǵın ID-kartası ) yamasa pasport almastırıwshı shaxstı tastıyıqlaytuǵın basqa hújjet alıwına shekem familiyası, atı, áke atın ózgertiw haqqında arza berse, bunday halda arzaǵa tuwılǵanlıq haqqında gúwalıq qosımsha etiledi.
Familiya, at, áke atın ózgertiw haqqındaǵı arzalar :
Ózbekstan Respublikasınıń “Mámleket tili haqqında”gi Nızamı 15-statyasına muwapıq ;
suddıń sheshiwshi qararı tiykarında ;
eger familiya hám at esitiliwde jaǵımsız bolsa ;
eger familiya hám at milletine tuwrı kelmese;
qálewine qaray nekege shekem bolǵan familiyaǵa (nekede turǵan dáwirinde de, nekeden ajıratılǵannan keyin de) qaytıwda ;
shańaraq ushın ulıwma familiyada bolıw qálewi payda bolǵanda (eger neke dúziw waqtında er-hayal ulıwma familiya qabıllamaǵan bolsa ;
balalardıń áke yamasa ana menen birdey familiyada bolıw, anasınıń nekege shekem bolǵan familiyasında bolıw, ógey ákeniń yamasa qáwenderiniń familiyasında bolıw qálewi payda bolǵanda ;
16 jasqa tolǵan shaxsqa ákelikti belgilewde kórip shıǵıladı.
Familiya, at, áke atın ózgertiw haqqındaǵı arzaǵa tómendegiler qosımsha etiledi:
Arza beriwshiniń tuwılǵanlıq haqqındaǵı gúwalıǵı ;
eger arza beriwshi nekede turǵan bolsa, onday jaǵdayda neke dúzilgenligi haqqındaǵı gúwalıǵı, eger nekeden ajıratılǵan bolsa - nekeden ajıraǵanlıǵı haqqındaǵı gúwalıǵı ;
eger arza beriwshiniń jas óspirim balaları bolsa, ol halda balalarınıń tuwılǵanlıq haqqındaǵı gúwalıqları ;
arza beriwshiniń puqaralıq pasportı (identifikaciyalaytuǵın ID-kartası ) yamasa shaxsın tastıyıqlaytuǵın basqa hújjetinen kóshirme;
eger arza beriwshiniń jas óspirim yamasa sud qararı menen háreketke uqıpsız dep tabılǵan bolsa, ol halda ata-anasınıń yáki qáwenderdiń arzası ;
1 (3 x4 ólshemli) fotosúwreti.
Ózgertiw kiritiliwi ushın zárúr bolǵan akt jazıwları joǵalǵan táǵdirde, familiya, at, áke atın ózgertiw bul hújjetler tiklengennen keyin ámelge asırıladı.
Ishki isler organı usınıs etilgen hújjetlerdi 20 kún dawamında úyrenip shıǵadı, arza beriwshiniń familiyası, atı, áke atın ózgertiw jónindegi pikirdi PHAJdıń birden bir málimleme sisteması arqalı usınıs etedi.
Arza beriwshiniń familiyası, atı, áke atınıń ózgertiliwi maqsetke muwapıq emesligi haqqında juwmaq dúzilgen táǵdirde bul jaǵdaydıń anıq sebepleri kórsetiledi.
PHAJ organı familiya, at, áke atı ózgergenligi haqqında ishki isler organına 3 kún dawamında, eger arza beriwshi áskeriy xızmetke májbúr bolsa - ol halda rayon (qala ) qorǵanıw bólimine de xabarnama jiberedi.
Bunda, familiya, at hám áke atın ózgertiw haqqındaǵı arzanı qabıl etken PHAJ uyımı jańa gúwalıq baspadan shıǵarıp beredi hám de familiyası, atı, áke atı ózgertirilgen shaxs PHAJ uyımı tárepinen shaxsın tastıyıqlaytuǵın hújjetlerdi bir ay ishinde almastırıw zárúrligi haqqında eskertiledi.
Óz-ara nızamlı nekede turǵan er yamasa hayaldan birewiniń familiyası ózgertiliwi ekinshisiniń de familiyası ózgeriwine sebep bolmaydı.
Ata-analardan hár ekewiniń familiyası ózgertiliwi 16 jasqa tolmaǵan balaları familiyasınıń da ózgertiliwine sebep boladı.
Ata-analar yamasa olardan birewiniń familiyasın ózgertirliwi olardıń er jetken balalarınıń familiyası ózgeriwine sebep bolmaydı.
Eger ata-anadan biri familiyasın ózgertse, olardıń jas óspirim balalarınıń familiyasın ózgertiw máselesi ata-analardıń shártlesiwine qaray, bunday shártlesiw bolmaǵanda bolsa - ámengerlik hám qáwenderlik organı tárepinen sheshiledi.
Ákeniń atın ózgertiwi jas óspirim balalardıń áke atı ózgeriwine alıp keledi.
Er jetken balalardıń áke atı tek olardıń arzalarına kóre ózgertiriledi.
Eger nekege kirisiw waqtında óziniń nekege shekem bolǵan familiyasın saqlap qalǵan shaxs keyinirek kúyewiniń familiyasın qabıl etse, sonıń menen birge nekege kirisiw waqtında qabıl etken familiyasın nekege shekem bolǵan familiyasına ózgertirse, ol halda ózgertiw tek neke dúzilgenligi haqqındaǵı akt jazıwına kiritiledi.
Eger nekeden ajıratılǵannan keyin nekedegi familiyasın saqlap qalǵan shaxs onı nekege shekem bolǵan familiyasına ózgertse, ol halda ózgertiw tek nekeden ajırasqanlıq haqqındaǵı akt jazıwına kiritiledi.
16 jasqa tolǵan shaxslar tárepinen familiyası, atı, áke atı ózgertirilgen barlıq jaǵdaylarda ózgertiw tek tuwılganlıq haqqındaǵı akt jazıwınıń “bala haqqında maǵlıwmatlar” ústinine kiritiledi.
Ata-ana haqqındaǵı maǵlıwmatlar ózgeriwsiz qaldırıladi.
Ózbekstan Respublikasınıń shet elde turaqlı jasawshı puqaralarınıń arzaları konsul tárepinen kórip shıǵıladı. Arzaǵa usı Qaǵıydalardıń 151-bántinde kórsetilgen hújjetler qosımsha etiliwi kerek. Zárúr jaǵdaylarda konsul arza beriwshiniń arzası tiykarlı ekenligin tastıyıqlaytuǵın hújjetlerdi hám ózgertiw kiritiliwi kerek bolǵan akt jazıwların Ózbekstan Respublikası Sırtqı isler ministrligi arqalı talap etip aladı.
Jıynalǵan hújjetler tiykarında konsul Ózbekstan Respublikası Sırtqı Isler Ministrligi arqalı Ózbekstan Respublikasınıń yamasa arza beriwshiniń turaqlı jasap turǵan mámlekettiń kepillikli shólkemlerinen arza beriwshiniń familiyası, atı, áke atın ózgertiwine ruxsat berilgenligi haqqında tiykarlawshı pikir alıwı zárúr.
Bul pikir tiykarında konsul familiya, at, áke atın ózgertiw haqqında tiykarlanǵan juwmaq dúzedi jáne onı jıynama toplam menen birge ózgeris kiritiliwi kerek bolǵan akt jazıwı saqlanıp atırǵan PHAJ uyımına jiberedi.
Familiya, at hám áke atın ózgertiw haqqındaǵı arza berilgen kúnnen baslap bir ay dawamında kórip shıǵılıwı kerek. Keshirimli sebepler (jumıstı rásmiylestiriw ushın zárúr bolǵan akt jazıwı nusqalarınıń basqa PHAJ uyımlarınan, ishki isler uyımlarınıń pikiriniń keshigip alınıwı hám basqalar ) ámelde bolǵanda PHAJ uyımı baslıǵı bul múddetti on bes kúnden kóp bolmaǵan múddetke uzaytırıwı múmkin.
Familiya, at hám áke atın ózgertkenligi ushın belgilengen tártipte mámleketlik bajı óndiriledi.
Nókis qalası ádillik bólimi
PHAJ bólimi
2-dárejeli inspektorı A.Nizanova