Янгиликлар
30
Qayta tuwılǵanlıq haqqında gúwalıq alıw tártibi
Tuwılǵanlıq haqqında qayta gúwalıqlar puqaralıq halatı akt jazıwı dizimge alınǵan tiyisli shaxstıń ózine, onıń ata-analarına yáki nızamshılıqta belgilengen tártipte tastıyıqlanǵan isenim xatı tiykarında basqa shaxslarǵa beriledi. Qaytıs bolǵan shaxsqa tuwılǵanlıq haqqında gúwalıq berilmeydi. Kerek jaǵdayda, qaytıs bolǵan shaxstıń tuwılǵanlıq haqqında maǵlıwmatnama beriliwi múmkin.
Ólim haqqındaǵı qayta gúwalıqlar marhumnıń jaqın tuwısqanları hám miyrasxorlarına yáki nızamshılıqta belgilengen tartipte tastıyıqlanǵan isenim xatına iye bolǵan shaxslarǵa beriledi.
Neke dúzilgenligi hám nekeden ajırasqanlıq haqqındaǵı gúwalıqlar akt jazıwı dizimge alınǵan tiyisli shaxslardıń ózlerine yáki nızamshılıqta belgilengen tártipte tastıyıqlanǵan isenim xatına iye bolǵan shaxslarǵa beriledi. Nekeden ajıratılǵanda neke dúzilgenligi haqqında qayta gúwalıq berilmeydi.
Balalarǵa hám imkaniyatı sheklengen shaxslarǵa qayta gúwalıqlar olardıń ata-anaları(perzentlikke alǵanlar), ámengerleri, qáwenderleri, sociallıq qorǵaw mákemeleriniń tiyisli wakilleriniń arzalarına tiykar beriledi.
Ata-anası bolmaǵan jaǵdayda, jasına tolmaǵan shaxslarǵa yáki puqaralıq pasportı, ID kartasın almaǵan shaxslarǵa tuwılǵanlıq haqqındaǵı qayta gúwalıqlar sol shaxstıń foto súwreti jabıstırılǵan, hám bul shaxs bilim alıp atırǵan bilimlendiriw yáki jasaw jerindegi máhalle puqaralar jıyını tárepinen berilgen akt tiykarında beriledi.
Qayta gúwalıq alıw haqqındaǵı arzasında arza beriwshiniń familyası, atı, ákesiniń atı, mánzili, shaxsın tastıyıqlawshı seriyası, nomeri, gúwalıq sorap atırǵan shaxstıń familyaları, atları. ákesiniń atı, neke dúzilgenligi haqqında gúwalıq soraǵanda-erli-zayıplınıń familyaları, atları. ákesiniń atları, akt jazıwı qashan hám qaysı PHAJ organı tárepinen dizimge alınǵanlıǵı hám qayta gúwalıq qanday sebepke kóre talap etilgenligi kórsetiliwi kerek.
Qayta gúwalıq alıw shaxs qay jerde jasawına qaramastan, qálegen PHAJ organına múrajaat etiw huqıqına iye.
Qaraózek rayonı ádillik bólimi
PHAJ bólimi baslıǵı N.Erejepova.