Янгиликлар
26
2024-JILDA ORAY TÁREPINEN ÁMELGE ASIRILǴAN JUMISLAR
Nókis rayonı ádillik bólimi Yuridikalıq xizmet kórsetiw orayı búgingi kúnde jámi 65 mámleketlik uyımlar hám shólkemlerine, solardan 31 ulıwma bilim beriw mekteplerine hám 17 mektepke shekemgi bilimlendiriw shólkemlerine xızmet kórsetip kelmekte.
2024-jıl dawamında usı orayǵa huqıqıy ekspertizadan ótkeriw ushın 35812 hújjet joybarları kelip túsken bolıp, 35710 hújjetlerge nızamshılıqqa muwapıqlıǵı boyınsha unamlı juwmaqlar berildi hám 102 hújjette qáte-kemshilikler bolǵanlıǵı sebepli qayta kórip shıǵıw ushın qaytarıldı.
Hápteniń hár sárshembi kúnleri Yuridikalıq xızmet kórsetiw orayı baslıǵı Nókis rayonı ádillik bólimi baslıǵı, Mámleketlik xizmetler orayı direktorı menen birgelikte “Huqıqıy bilimler aylıǵı”, “Huqıqıy úgit-násiyat kúni” joybarları sheńberinde jámi 31 mektepte hám 9 máhállede ushırasıwlar ótkerdi.
“Huqıq klası” joybarı sheńberinde rayondaǵı “Qırantaw” APJ da jaylasqan №23-sanlı ulıwma orta bilim beriw mektebinde ayına eki márte arnawlı huqıq klasında bólim hám oray baslıqları huqıq páninen óz bilim hám tájiriybelerin oqıwshılar menen bólisti.
Hár sherek juwmaǵında oray menen birgelikte islewshi qániygeler menen jıynalıs ótkerilip, olardıń qáte-kemshilikleri aytılıp, olardı saplastırıw maqsetinde jol-jobalar kórsetildi. Bunnan tısqarı, jıl dawamında puqaralardıń huqıqıy sawatlılıǵın asırıw ushın orınlarda kóshpeli qabıllawlar shólkemlestirilip, olardı qızıqtırǵan sorawlarına sol jerde tiyisli juwaplar berildi.
Jáne de mekteplerde belsendi oqıwshılar arasında jarıslar ótkerilip, huqıqıy bilimleri sınaqtan ótkerildi hám jeńimpazlarǵa sıylı sawǵalar tapsırıldı.
Nókis rayonı ádillik bólimi Yuridikalıq
xızmet kórsetiw orayı baslıǵı G. Izekeeva