Янгиликлар
05
ÁDILLIK HÚKIM SÚRGEN JERDE TÁRTIP BOLADÍ
Bárshemizge málim, 2021-jıldıń 1-iyul sánesinde imzalanǵan Prezident pármanı menen Ózbekstan Respublikasınıń ekstremizm hám terrorizmga qarsı gúresiw boyınsha 2021-2026 jıllarǵa arnalǵan Milliy strategiyası qabıl etilgen edi.
Strategiyanıń tiykarǵı maqseti konstituciyalıq basqarıw princpin qorǵaw, milliy qáwipsizlik, sonıń menen birge, puqaralardıń bul tarawdaǵı huqıqları hám erkinliklerin támiyinlewge múmkinshilik beretuǵın ekstremizm hám terrorizmge qarsı gúresiw boyınsha nátiyjeli hám bir waqıttıń ózinde muwapıqlastırılǵan mámleket siyasatınıń ámelge asırılıwın támiyinlew bolıp tabıladı.
Strategiyanıń ámelge asırılıwı, birinshi náwbette - ekstremizm hám terrorizmge qarsı gúresiw boyınsha huqıqıy, shólkemlestirilgen hám ideologiyalıq mexanizmlerdiń nátiyjeli sistemasın, sonıń menen birge, jámiyette keń peyillik mádeniyatın qáliplestiriw, jámiyettiń túrli qatlamlarında ekstremistlik hám terrorshılıq ideyalardıń tarqalıwına tosqınlıq etiw, oǵan qarsı gúresiwde mámleketlik shólkemlerdiń iskerliginiń nátiyjeliligin asırıw múmkinshiliklerin beredi.
Sonıń menen birge, ekstremizm hám terrorizmniń waqtınan burın aldın alıwǵa mámleketlik shólkemlerdiń, birinshi náwbette, huqıqtı qorǵaw hám bilimlendiriw mákemeleriniń barlıq múmkinshiliklerin hám keń jámiyetshilikti tartıw, illetke qarsı gúresiw mexanizmlerin jetilistiriw, mámleketlik uyımlar, puqaralıq jámiyeti institutları, ǵalaba xabar quralları hám de puqaralardıń jeke iskerligin muwapıqlastırıwdı kúsheytiwden ibarat.
Búgingi kúnde diniy ekstremizm hám xalıqaralıq terrorizm degen túsinikler, qanshelli ókinishli bolmasın, turmıstıń ajıralmas bólegine aylanıp qaldı. Bul, óz náwbetinde, júdá ashınarlı jaǵday bolıp esaplanadı.
Ekspertlerdiń pikirine qaraǵanda, terrorshılıq shólkemlerdiń júzden aslamı eń zamanagóy qurallar menen támiyinlengenligi, hár túrli qoparıwshılıqlardı islew processinde óz-ara sheriklik etiwi, taǵı bir ókinishli tárepi sonda, diniy lipaslarǵa oralǵan terrorshı shólkemlerdiń kópshiligi muqaddes islam dinin ózine nıqap etip alǵan.
Álbette nızamshılıqta tınıshlıq hám qáwipsizlikke qarsı jınayatlardı ámelge asırǵan shaxslarǵa qarata juwapkershilik belgilengen.
Sonı da aytıp ótiw kerek, usı nızamshılıq hújjetinde terrorizmdi tayarlawda qatnasqan shaxs, eger ol hákimiyat uyımlarına óz waqtında xabar beriw yaki basqa usıl menen awır aqıbetler júzege keliwiniń hám terrorshılardıń maqsetleri ámelge asırılıwınıń aldın alıwǵa belsene kómeklesken bolsa, eger bul shaxstıń háreketlerinde jınayattıń basqa quramı bolmasa, jınayıy juwapkershilikten azat etiliwi názerde tutılǵan.
Álbette, biz tınıshlıqsúyer mámlekettiń xalqı sıpatında Insan mápi ústem turǵan mámlekette jasar ekenbiz, nızam ústinligin támiyinlewdi de umıtpawımız kerek, sebebi ádillik bolǵan jerde tártip boları sózsiz!
Qaraqalpaqstan Respublikası Ádillik ministrliginiń
bas másláhátshisi A.Gulimbetov