Янгиликлар
25
Diniy ekstremizm hám terrorizmge qarsı gúresiw – hár birimizdiń zárúr wazıypalarımızdıń biri
Búgingi kúnge kelip, diniy ekstremizm hám xalıq aralıq terrorizm degen túsiniklerge adamlar, kóbinese jaslarmız oǵan itibarsız bolıp barmaqta.
Ózbekstan mámleketi ǵárezsizliktiń dáslepki kúnlerinen-aq óziniń dinge kóz qarasın anıq hám qatań belgilep aldı. Bas nızamımız Konstituciya hám de “hújdan erkinligi hám diniy shólkemler haqqında”ǵı nızamda óziniń huqıqıy ańlatpasın tapqan.
Sońǵı jıllarda dúnyanıń qatar mámleketlerinde, túrli nızamǵa qarsı qurallı strukturalar tárepinen islamıy mámleket qurıw uranı astında insaniyatqa qarsı jınayatlar júz berip atır.
“Málimleme ásiri” dep atalıp atırǵan házirgi zamanda maǵlıwmat alıw hám xabar almasıwdıń qolaylı quralı internet bolıp tabıladı. Biraq, bul tarmaqta hámme nárse aralas, aq penen qara, jaqsılıq penen jawızlıq, maǵlıwmat tarqatıw, biznes hám reklama ushın úlken maydanǵa aylanǵan global tarmaqtı qadaǵalawdıń ulıwma imkáni joq. Sonıń ushında internette buzǵınshı ideyalar hám terrorǵa shaqırıwlar júdá kóp ushıraydı.
Hár túrli nızamǵa qarsı qurallı strukturalar óz qatarına jańa adamlardı qosıwda internet jáne social tarmaqlardan keń paydalanıp atır. Túrli internet saytlarınan paydalanılıp atır. Olar tárepinen waqtın internette ótkeriwshi, waqtınsha jumıssız, shet elde pul tabıw úmitinde júrgen jáne social jaǵdaydan narazı adamlardı óz qatarına qosıw maqsetinde olar menen sáwbetler júrgizedi hám háreket etedi.
Sonıda atap ótiwimiz kerek, házirgi dáwirde diniy ekstremistlik háreketler óz maqsetlerine erisiw ushın xalıqlar arasında milletshilik hám diniy ózgeshelikti keltirip shıǵarıw arqalı bir mámlekette jasap atırǵan túrli millet wákilleri arasında milliy, diniy kelispewshiliklerdi júzege keltiriwge urınıp kelmekte.
Terrorshılardıń internet arqalı hújimleri tiykarınan jaslarǵa qaratılǵan bolıp, olar jas óspirimler ushın qızıqlı bolǵan qurallardan ustalıq penen paydalanbaqta. Sonıń ishinde, jaslardıń qızıǵıwına qarap, olardı túrli video kórinisler hám foto súwretlerdi tamasha etiwge shaqırıw arqalı yamasa sırtqı kórinisinen tap oyın, texnika, sportqa tiyisli bolsa-da, lekin ishki betlerinde tek buzǵınshılıqtı sińdiriwshi veb-jurnallardı usınbaqta.
Usı orında, ol yamasa bul xabardı qabıl qılıwdan aldın insan álbette ózine: “Bul xabardı kim tárepinen tarqatılmaqta?”, “Ne ushın?”, “Qanday maqsette?” ‒ degen sorawlardı beriwi kerek.
Óz náwbetinde, jámiyetimizde diniy ekstremizm hám terrorizm ideologiyası tarqalıwın aldın alıwda profilaktikalıq hám túsindiriw jumısları dárejesi hám tásirliligin sistemalı túrde kúsheytip barıw búgingi kúnniń zárúrli máselesine aylandı.
Atap ótiw kerek, Ózbekstan Respublikasınıń Jınayat kodeksi hám Hákimshilik juwapkershilik haqqındaǵı kodeksi hám basqa nızamshılıqta anıq belgilengen jınayatlardı islegeni hám nızam buzıwshılıq ushın jazaǵa tartıladı. Aldanıp aǵımǵa kirip qalǵan shaxs óz waqtında qátesin ańlap, pushayman bolsa hám jınayattı ashıwǵa járdem bersa, Jınayat kodeksiniń tiyisli statyasına kóre juwapkershilikten azat etiliwi múmkinligi belgilengen.
Solay eken, mámleketimizde húkim súrip atırǵan tınısh, párawan turmısımızdı asıraw, ǵárezsizligimizdiń bekkemleniwine úlesimizdi qosıw hár birimizdiń tiykarǵı wazıypamız bolıwı lazım.
Taxtakópir rayonı ádillik bólimi
Yuridikalıq xızmet kórsetiw
orayı bas yuriskonsultı: D.Shaxanov