Янгиликлар
25
Sport-bilimlendiriw mákemeleriniń trener-oqıtıwshıları ushın joqarı mamanlıq kategoriyasın alıw tártibi
Sport-bilimlendiriw mákemeleriniń trener-oqıtıwshıları ushın joqarı mamanlıq kategoriyasın alıw mámleketlik xızmetı Ózbekstan Respublikası Ministrler kabinetiniń 2020-jıl 3-marttaģı 118-sanlı Qararı menen tártipke salınģan bolıp, xızmetten paydalanıwshılar ózleri qálegen mámleketlik xızmetler oraylarına barģan halda yáki my.gov.uz birden-bir interaktiv mámleketlik xızmetler portalı arqalı onlayn tárizde arza beriwleri múmkin.
Arza beriwshiler tómendegi hújjetlerdi usınadı:
Shaxsın tastıyıqlawshı hújjet;
Tayyarlaģan sportshısınıń tańlawlarda erisken nátiyjelerin tastıyıqlawshı hújjetler (tańlaw bayanlaması hám diplom nusqaları);
Sportshınıń trener-oqıtıwshıģa biriktirilgenligin tastıyıqlawshı maģlıwmatnama.
Xızmet kórsetiw múddeti 3 jumıs kúninen ibárat.
Arzanı kórip shıģıw ushın bazalıq esaplaw muǵdarınıń 10% hám mamanlıq komissiyasın ótkeriw ushın bazalıq esaplaw muǵdarınıń bir esesi muģdarında jıyım óndiriledi. (Eger arza onlayn tárizde berilse joqarıdaģı summalardın 90 %ın tóleydi yaģnıy 10% shegirme qollanıladı)
“Sociallııq qorģaw birden-bir reestri” málimleme sistemasına dizimge alınģan shaxslarģa, sonıń menen birge, I hám II topar mayıplıģı bolģan shaxslarģa belgilengen jıyımnıń 50 % muģdarında shegirme qollanıladı.
Bunnan tısqarı “Ózbekstan Respublikasında xızmet kórsetken sport ustazı” yáki “Qaraqalpaqstan Respublikasında xızmet kórsetken sport ustazı” mártebesine, dene tárbiya hám sport tarawında ilimiy dárejege iye bolģan shaxslar tólemnen azat etiledi.
Nókis rayonı ádillik bólimi
Mámleketlik xızmetler orayı
bólim baslıģı A.Patshaxanov