Янгиликлар
25
Puqaralıq halatı aktlerin jazıw tarawı boyınsha
Puqaralıq halatı aktlerin jazıw bóliminde tiykarınnan insan ómirindegi tuwılıwınnan ólimine shekemgi waqıttaģı halatlar yaģnıy 4-háreket tuwılıw, neke, ólim hámde ajrasqanlıq haqqında akt jazıwları dizimge alınadı.
Shımbay rayonı ádillik bólimi PHAJ bólimi tárepinen 2024-jıl dawamında puqaralarģa 3779 huquqıy xızmetler kórsetildi.
Sonnan, bólim tárepinnen tuwılıw haqqında akt jazıwların dizimge alıw boyınsha 2153, neke duzilgenligi haqqında akt jazıwların dizimge alıw boyınsha 638, nekeden ajrasqanlıq haqqında akt jazıwların dizimge alıw sanı 123, ólimdi dizimge alıw boyınsha 818 akt jazıwları dizimge alınıp, tákrarıy tártipte dana guwalıqlar berildi. Sonday-aq bólim tárepinen xalıq aralıq qatnasıqlar Minsk konbensiyasına tiykar kelip tusken jámi 47 murájátqa tolıq juwap berilip, tiyisli mánzilge jónetilgen.
Ózbekistan Respublikası Prezidentiniń 2024-jıl 24-may kungi «Hákimshilik reformalar sheńerinde ádillik uyımları hám mekemeleriniń juwapkershiligin jánede artırıw hám iqsham basqarıw sistemasın qáliplestiriw haqqında»ģı pp-80-sanlı Pármanı qabıl etildi.
Usı párman tiykarında ádillik uyımlarınıń qosımsha jumıs baģdarları belgilenip,bul boyınsha bólim tárepinnen uyme-uy jurgen halda xalıqtıń kundelikti turmısında ushrasatuģın huquqıy mashqalalar anıqlanıp, Mahalla Adliya, Huquqiy adliya elektron platformaları arqalı kirgizilip, puqaralar máseleleri unamlı sheshimin tawıp kelmekte.
Sonıń menen bir qatarda elimizde qabıl etilip atırģan nızam hujjetleri menen turaqlı turde tanıstırıp barıw, mámleketimizde ámelge asırılıp atırģan reformlardı huquqıy tárepten táminlew, puqaralar hám isbilermenlik subektleriniń huquq hám máplerine tiyisli bolģan nızamshılıq hujjetleriniń mazmun mánisin tusindiriw,orınlarda xalıqtı qıynap kiyatırģan mashqalalarģa sheshim qabıllaw,mámleketlik xızmetlerdiń sapasın asırıw barısında óz iskerligin dawam etpekte.
Shımbay rayonı ádillik bólimi
PHAJ bólimi inspektorı B.Taģanklishova