Янгиликлар
25
Nókis qalası ádillik bóliminiń kómegi menen xızmetkerlerdiń buzılǵan huqıqları tiklendi
Ózbekstan Respublikası Ádillik ministrliginiń tiykarģı wazıypaları, funkciyaları, huqıqları hám juwapkerligi Ózbekstan Respublikası Prezidentiniń 2018-jıl 13-aprel kúngi PQ-3666-sanlı qararı menen tastıyıqlanģan “Ózbekstan Respublikası Ádillik ministrligi haqqında”ģı Rejege kóre, ministrlik – puqaralardıń huqıqları hám erkinlikleri mámleket organları hám shólkemleri tárepinen buzılıwı haqqındaģı múrájátlerin tiyislishe kórip shıģadı hám buzılģan huqıqlardı tiklew boyınsha sharalar kóredi.
Atap aytqanda, Nókis qalası ádillik bólimie Nókis qánigelestirilgen mámleketlik toǵay xojalıǵında islewshi 23 xızmetkerdiń uzaq jıl islegenligi ushın tóleniwi lazım bolǵan 98 848 760 swm muǵdarındaǵı ústeme pulları tólenbey atırǵanlıǵınan narazı bolıp jollaǵan múrájáti kelip tústi.
Puqaralardıń múrájátında kórsetilgen máselege anıqlıq kiritiw maqsetinde úyrenilgende, haqıyqattanda uzaq jıl islegenligi ushın tóleniwi lazım bolǵan ústeme pulları tólenbey atırǵanlıǵı málim boldı.
Ózbekstan Respublikası Miynet Kodeksiniń 252-statyasında xoshametlew qásiyetine iye tólemler qatarına ústemeler kiriwi belgilengen.
Ústeme xızmetker tárepinen miynet shártnamasında shárt qılıp kórsetilgen jumıs orınlanǵanı ushın ámelge asırılatuǵın hám xoshametlew (kasiplik sheberlik, uzaq múddet xızmet qılǵanlıq, bir shólkemdegi yáki tarmaqda is stajı ushın ústemeler hám basqalar) yamasa kompensaciya qásiyetine iye pul tólemi ekenligi kórsetilgen.
Bunnan tısqarı, Ózbekstan Respublikası Miynet Kodeksiniń 21-statyasında xızmetkerdiń huqıqları belgilengen bolıp, oǵan muwapıq, xızmetkerler óz mamanlıǵına, miynetiniń qıyınlıǵına, orınlaǵan jumıstıń muǵdarı hám sapasına muwapıq óz waqtında hámde tolıq kólemde (hajmda) is haqı alıw huqıqına iye (birinshi bólim, 5-xatbasısı).
Ózbekstan Respublikası Miynet Kodeksiniń 25-statyasında bolsa, jumıs beriwshiniń májbúriyatları belgilengen bolıp, oǵan muwapıq, xızmetkerlerge beriliwi lazım bolǵan is haqını miynet kodeksine, jámiyetlik jártnamasına, ishki miynet tártibi qaǵıydalarına, basqa ishki xújjetlerge, miynet shártnamalarına muwapıq belgilengen múddetlerde tolıq kólemde (hajmda) tólewi shártligi belgilengen.
Sonlıqtan, nızamshılıq talaplarına tiykarlanıp puqaralarǵa tólenbey atırǵan 98 848 760 swm muǵdarındaǵı ústeme pulların óndirip beriw boyınsha Nókis qalası ádillik bólimi tárepinen Puqaralıq isleri boyınsha Nókis rayonlar aralıq sudına dawa arza kiritildi hámde sud tárepinen arza qanaatlandırılıp Nókis qánigelestirilgen mámleketlik toǵay xojalıǵında islewshi puqaralarǵa ústeme pulları tólep beriw boyınsha qarar shıǵarıldı.
Nókis qalası ádillik
bólimi bas másláhátshisi A.Nurabullayev