Янгиликлар
24
Kem támiyinlengenlik haqqında maǵlıwmatnamanı alıw tártibi
Yadıńızda bolsa kerek, burınları mámleketlik sociallıq xızmetlerden paydalanaman degen adamnan shólkemler bir neshe hújjetler talap etetuǵın edi. Máhelleden “spravka”, poliklinikadan “086” sorap áwere bolıp júrgen kúnlerińiz yadıńızǵa túsken shıǵar?
2021-jıldan baslap, bul artıqsha áweregershiliklerdiń kóbi biykar etildi, atap aytqanda, kem támiyinlengenligi haqqında maǵlıwmatnama talap etiliwi de. Biraq ayırım jaǵdaylarda, maǵlıwmatnama tiykar bolıp xızmet etiwshi zárúrli jaǵdaylardaǵana, onı usınıw shárt.
Mısalı, járdemge mútáj shańaraq qanday da jeńilliklerden paydalanıwı ushın kem támiyinlengenligi haqqında maǵlıwmatnama talap etilgende, jáne qaǵazbazlıqpa, dep qol siltep qoymay, onı my.gov.uz portalı arqalı onlayn yamasa Mámleketlik xızmetler orayları arqalı alıw múmkin.
Bunda maǵlıwmatlar “Social qorǵaw birden-bir reestri” málimleme sisteması arqalı qáliplestiriledi.
Puqaralardıń múshkillerin ańsat qılıw ushın bunday maǵlıwmatnamanı Birden-bir interaktiv mámleketlik xızmetler portalı arqalı usınıw múmkinshiligi jaratılǵan.
Maǵlıwmatnamanı alıw biypul hám 12 ay dawamında ámel etedi.
Qanlikól rayonı ádillik bólimi MXO qániygesi D Qudenov