Янгиликлар
31
Jańa tártip” Avtotransport quralın qáwipli júklerdi tasıwǵa qoyıw haqqındaǵı gúwalıq alıw
Avtotransport quralında qáwipli júklerdi tasıwǵa ruxsatnama alıw ushın qay jerge múrájat etiw kerek?
Avtotransport quralın qáwipli júklerdi tasıwǵa qoyıw haqqındaǵı gúwalıq alıw ushın qálegen Mámleketlik xızmetler orayına múrájat etiwi yamasa " Litsenziya" AT (https://license.gov. uz/) arqalı onlayn arza beriwi múmkin. ( Ózbekstan Respublikası Ministrler Kábinetiniń qararı,22.02.2022 jıldaǵı 86-san)
Mámleketlik xızmetler orayı arqalı múrájat etkende arza beriwshiniń múrájatına tiykar mámleketlik xızmetler orayı xızmetkeri arza beriwshi atınan, " Litsenziya" AT (https://license.gov. uz/) arqalı onlayn arqalı múrájat etilgende, arza beriwshi gárezsiz túrde sorawnamanı elektron túrde toltıradı.
Arza qaysı uyım tárepinen hám neshe kúnde kórip shıǵıladı?
Wákillikli organ Ózbekstan Respublikası Ishki isler ministrligi Jámiyetlik qawipsizligi departamenti Jol háreketi qawipsizligi xızmeti tárepinen 10 jumıs kúni múddet ishinde kórip shıǵıladı.
Avtotransport quralında qáwipli júklerdi tasıwǵa gúwalıq qansha múddetke beriledi?
Gúwalıq 6 ay múddetke beriledi.
Maǵlıwmat ushın :
Qáwipli júkler - ayriqsha ózgeshelikleri hám qásiyetleri sebepli arnawlı bir faktorlar bar bolǵanı táǵdirde tasıw, júkti artıw-túsiriw jumısları processinde tasılıp atırǵan júkler, texnika quralları, qurılmalar, jay hám imaratlar, basqa obyektlerdiń jarılıwı, janıwı yamasa zaqım alıwına, sonıń menen birge adamlar turmısı hám den sawlıǵına, átirap ortalıqqa zıyan jetkeriliwine sebep bolıwı múmkin bolǵan elementler, materiallar, buyımlar, shıǵındılar.
Bunda, eger jónelistiń uzınlıǵı 400 kilometrden artıq bolsa yamasa tasıw keshte ámelge asırılsa, qáwipli júklerdi tasıwshı avtotransport qurallarınıń tek bir (jalǵız) aydawshı menen háreketleniwi qadaǵan etiledi.
Qıs waqtında taw shárayatlarında qáwipli júklerdi tasıwda júkti tasıwshılar avtotransport quralların protektorning qısqı shinalari menen qurastırıwları kerek.
Nókis qalası ádillik bólimi
Mámleketlik xızmetler orayı
bólim baslıǵı K.Ospanova