Янгиликлар
17
Ózbekstan Respublikası Prezidentiniń “Ózbekstan-2030 strategiyası haqqında”ǵı Pármanı hám ondaǵı baǵdarlar
Ózbekstan Respublkası Prezidentiniń 2023-jıl 11-sentyabrdegi PP-158-sanlı Pármanına muwapıq “Ózbekstan – 2030” strategiyası tastıyıqlandı. Bul Párman aldımızdaǵı 7 jılda Ózbekstan Respublikasınıń tiykarǵı rawajlanıw baǵdarların belgilep beriwshi áhmiyetli hujjet bolıp, 5 áhmiyetli baǵdar sheńberinde 100 maqsetke erisiwge qaratılǵan. Onıń maqsetleri hám jetiskenlik kórsetkishleri xalıq tárepinen qabıl etilgen.
Eń áhmiyetlisi, strategiya arttırılǵan tájiriybe, xalıq aralıq ekspertiza hám jámiyetshilik dodalaw nátiyjeleri tiykarında islep shıǵıldı.
Sonday-aq strategiyada maqset hám kórsetkishlerdiń izbe-iz, sıpatlı hám óz waqtında orınlanıwı boyınsha nátiyjeli jámiyetlik qadaǵalawdı úyreniw maqsetinde arnawlı onlayn portaldı iske qosıw rejelestirilgen.
“Ózbekstan – 2030” strategiyası mámlekettiń rawajlanıwın támiyinlew maqsetinde islep shıgılǵan hám Ózbekstan Respublikasınıń uzaq múddetli rawajlanıw baǵdarların belgileydi. Onda túrli tarawdaǵı reformalar, ekonomikalıq ósiw, bilimlendiriw, medicina hám sociallıq qorǵaw sistemasın jetilistiriw, ekologiyalıq turaqlılıqtı támiyinlew hám mámleket basqarıwın zamanagóylestiriw sıyaqlı maqsetler kózde tutılǵan.
Sonıń menen birge strategiya xalqımızdıń erkin, abadan hám qúdiretli Jańa Ózbekstandı qurıw boyınsha erk ıqrarın júzege shıǵarıw, hár bir puqaraǵa óz potencialın rawajlandırıw ushın barlıq imkaniyatlar jaratıw, salamat bilimli bárkamal áwladtı tárbiyalaw, kúshli ekonomikanı qáliplestiriw, nızam ústinligi, qáwipsiz hám turaqlılıqtı kepilli támiyinlew maqsetlerine xızmet etedi.
Jańa Ózbekstannıń rawajlanıw strategiyasın ámelge asırıw procesinde arttırılǵan tájiriybe hám jámiyetshilik talqılaw nátiyjeleri tiykarında islep shıǵılǵan «Ózbekstan - 2030» strategiyası tómendegi ideyalardı sáwlelendirgen:
turaqlı ekonomikalıq ósiw arqalı dáramatı joqarı bolǵan mámleketler qatarınan orın alıw;
xalıq talaplarına hám xalıq aralıq standartlarǵa tolıq juwap beretuǵın bilimlendiriw, medicina hám sociallıq qorǵawdı shólkemlestiriw;
xalıq ushın qolaylı ekologiyalıq shárayatlar jaratıw;
xalıq xızmetindegi ádalatlı hám zamanagóy mámleketti qurıw;
mámlekettiń suvereniteti hám qáwipsizligin támiyinew.
«Ózbekstan - 2030» strategiyası tómendegi 5 baǵdardan ibarat:
hár bir insanǵa óz potencialın júzege shıǵarıw ushın múnasip shárayatlar jaratıw;
turaqlı ekonomikalıq ósiw arqalı xalıqtıń abadanlıǵın támiyinlew;
suw resursların tejew hám qorshaǵan ortalıqtı qorǵaw;
nızam ústinligin támiyinlew, xalıq xızmetindegi mámleket basqarıwın shólkemlestiriw;
«qáwipsiz hám tınıshlıq súyiwshi mámleket»principine tiykarlanǵan siyasattı dawam ettiriw.
Preziden pármanı menen «Ózbekstan - 2030» strategiyasın ámelge asırıw hám onıń maqsetlerine erisiw barlıq mámleket organları hám shólkemleri iskerliginde eń joqarı wazıypa etip belgilengen.
Sonlıqtan “Ózbekstan – 2030” strategiyası sheńberinde Jańa Ózbekstannıń rawajlanıw strategiyasında belgilengen hám ámelge asırılıwı dawam etken, óz áhmiyetin joyıtpaǵan barlıq maqsetlerge erisiw hám áhmiyetli wazıypalar orınlanıwı támiyinlenedi.
“Ózbekstan – 2030” strategiyası Ózbekstan Respublikasında hár bir jılǵa beriletuǵın atlarınan kelip shıǵıp qabıl etiletuǵın mámleket dástúrleri tiykarında ámelge asırıp barıladı. Strategiyanı tolıq, óz waqtında hám sıpatlı orınlanıwın shólkemlestiriw, sonday-aq onı ámelge asırıw boyınsha jıllıq dástúrlerdi tayarlaw hám orınlanıwın muwapıqlastırıw “Ózbekstan – 2030” strategiyasın ámelge asırıw boyınsha Respublika komissiyasına júkletilgen.
“Ózbekstan – 2030” strategiyası mámleketimizdiń rawajlanıwınıń áhmiyetli fundamental tiykarların óz ishine alıp, iskerligimizdiń baslı wazıypaların belgilep beredi. Áhmiyetlisi usı hújjet xalıqaralıq jámiyetshilik aldında mámleketimiz abırayın, insan qádirin jánede bekkemlewge xızmet etedi.
Shomanay rayonı ádillik bólimi
PHAJ bólimi baslıǵı: Z.Alieva