Янгиликлар
27
Nókis qalası ádillik bólimi Yuridikalıq xızmet kórsetiw orayı tárepinen 2024-jılda ámelge asırılģan jumıslar haqqında
Nókis qalası ádillik bólimi Yuridikalıq xızmet kórsetiw orayı tárepinen 2024-jıl dawamında bir qansha jumıslar ámelge asırıldı.
Atap aytqanda, Oray tárepinen yuridikalıq xızmet kórsetiletuǵın shólkemler mápin isenimli qorǵaw ushın shártnamalıq-huqıqıy hám talapnama-dawa islerin júrgiziwde 2024-jıl dawamında 12 dana talapnamalar hám de 7 dana dawa arzalar islerin júrgiziwde huqıqıy járdem kórsetilgen.
Sonday-aq, Oray tárepinen 2024-jıl ótken dáwirinde 83 117 dana hújjet (81 225 hújjetke unamlı juwmaq berilgen bolsa, 414 hújjetke unamsız hám 1 471 qaytarılǵan) kórip shıǵılǵan.
Bunnan tısqarı, 2024-jıl dawamında jámi 1 328 awızeki huqıqıy úgit-násiyat jumısları hám 125 márte ǵalaba xabar quralları arqalı úgit násiyatlaw jumısları ámelge asırılǵan.
Ózbekstan Respublikası ádillik ministriniń 2021-jıl 20-oktyabrdegi “Yuridikalıq xızmet kórsetiw orayları iskerligin nátiyjeli shólkemlestiriw boyınsha” 331-um-san buyrıǵınıń 8-bántine kóre, oray xızmetkerleri hápteniń keminde bir kúnin ajıratıp, ózine biriktirilgen shólkemge barıp, shólkemde ámeldegi huqıqıy máselelerge sheshim tabıwda shólkem xızmetkerleri menen tikkeley ushırasıp, ámeliy járdem beriw ámeliyatınıń engiziw boyınsha jumıslardı ámelge asırdı. Usı orında oray tárepinen xızmet kórsetilip atırģan mákeme hám shólkemlerge buyrıq hám shártnama (basqada huqıqıy tústegi hújjetlerdiń) joybarları úlgileri islep berilgen bolıp, búgingi kúnde mákemeler arasında birdey ámeliyattı qollaw boyınsha jumıslar ámelge asırılıwı dawam etpekte.
Sonıń menen birge, oray xızmetkerleri ózlerine biriktirilgen mákan hám awıl puqaralar jıyınlarına barıp, Ózbekstan Respublikası Prezidentiniń 2024-jıl 24-maydaģı PP–80-sanlı Pármanınıń mazmun-mánisi haqqında huqıqıy túsinikler berdi, puqaralardıń múrájatın tıńladı hám nızamshıllıqqa tiykar juwaplar berdi, al ayırım waqıt talap etetuǵın múrájatlar “Adliya-mahalla” platformasına kirgizildi hám tiyisliligi boyınsha juwaplar berildi.
Nókis qalası ádillik bólimi
Yuridikalıq xızmet kórsetiw
orayı baslıģı T.Utemiratov