Янгиликлар
30
Korrupсiyalıq huqıqbuzarlıqtı ámelge asırġanlıq ushın juwapkershilik
Korrupciya jer júzindegi bárshe mámleketlerdiń siyasiy-ekonomikalıq rawajlanıwına keri tásirin tiygizetuǵın mámlekettiń konstituciyalıq tiykarların jemiriwshi illetlerden biri sanaladı. Bul illetge qarsı gúresiw barqulla áhmiyetli máselelerden bolıp kelgen.
Korrupciya eń aldı menen, jámlesken jınayat toparların qollap-quwatlap, olarǵa kómekshi bolıw yamasa tuwrıdan-tuwrı járdem beriw ushın mámleket xızmetiniń imkaniyatlarınan paydalanıw bolıp esaplanadı. Búgingi kúnge shekem korrupciyaǵa qarsı gúresiw dúnya mámleketlerinde global máselelerden biri bolıp kelgen. Sebebi social-ekonomikalıq tarawdıń jetilisip barıwı hám ekonomikanıń rawajlanıwına qaramay, házirgi waqıtta paraxorlıq, dámegóylik illetine dúnyadaǵı hesh bir mámlekette pútkil shek qoyılǵan emes.
Hár bir mámlekettiń nızamshılıǵında paraxorlıq sociallıq qáwipli illet sıpatında qaralanadı hám bunıń ushın jınayıy juwapkershilik belgilengen. Korrupciyanıń jámiyet hám mámleket ushın jetkeretuǵın zıyanı bárshemizge málim. Bunda eń aldı menen mámlekettiń konstituciyalıq negizine, onıń siyasiy hám ekonomikalıq qáwipsizligine zıyan jetkeredi. Sonıń menen birge puqaralarımızdıń sociallıq ádalatqa, haqıyqatlıqqa hám de mámleket uyımlarına bolǵan isenimin joǵaltadı.
Búgingi kúnde korrupciyaǵa qarsı gúresiw maqsetlerine tek ǵana huqıqıy qurallar menen erisip bolmaytuǵınlıǵın turmıstıń ózi dálillemekte. Korrupciyaga qarsı gúresiwde Ózbekstan Respublikası Prezidentiniń 2020-jıl 29-iyun kúngi “Ózbekstan Respublikası korrupciyaǵa qarsı gúresiw sistemasın jetilistiriw boyınsha qosımsha ilajlar haqqında”ǵı PP-6013-sanlı Pármanına muwapıq Ózbekstan Respublikası Korrupciyaǵa qarsı gúresiw agentligi shólkemlestirildi.
Bul Párman menen dúzilgen agentlik mámleketimizdiń korrupciyaǵa qarsı gúresiw mexanizimin elede rawajlandırıwda, hár bir basshı, hár bir puqaranıń ózine júklengen wazıypaların pidayılıq penen hadal orınlawın talap etedi. Óz gezeginde mámleketimizdiń rawajlanıwına úlken úles qosadı.
Shımbay rayonı ádillik bólimi
Mámleketlik xızmetler orayı
bólim baslıģı B.Bekniyazov