Янгиликлар
23
Shımbay rayonı ádillik bólimi Mámleketlik xızmetler orayı tárepinen 2024-jıl dawamında ámelge asırılǵan jumıslar
Shımbay rayonı ádillik bólimi Mámleketlik xızmetler orayı tárepinen
2024-jıl dawamında fizikalıq hám yuridikalıq shaxslarǵa jámi 40388 mámleketlik xızmetler kórsetilgen bolıp,
- sonnan 23856 fizikalıq shaxslarǵa
- 6428 yuridikalıq shaxslarǵa mámleketlik xızmetler kórsetildi.
Bunnan tısqarı 10104 internet tarmaǵı (my.gov.uz) arqalı mámleketlik xızmetlerden paydalanılǵan bolıp, oray arqalı kórsetilgen xızmetlerge salıstırǵanda 33,4% puqaralar internet tarmaǵı arqalı mámleketlik xızmetlerden paydalanılǵan.
Sonday aq, oray tarepinen MPJ hám APJ aymaqlarına shıǵıp 2618 kóshpeli mámleketlik xızmetler hámde 71 isbilermenlik subyektleri kóshpeli tártipte mámleketlik dizimnen ótkerildi. Isbilermenlik subyektlerin mámleketlik dizimnen hámde qayta dizimnen ótkeriw boyınsha Shımbay rayonı Mámleketlik xızmetler orayı tárepinen 2024-jıl dawamında yuridikalıq subyekt sıpatında jańadan jámi
319 mámleketlik dizimnen ótken bolıp, sonnan 184 internet tarmaǵı arqalı (bo.birdarcha.uz saytınan) mámleketlik dizimnen ótken, al fizikalıq tárep sıpatında jańadan jámi 409 jeke tártiptegi isbilermenler mámleketlik dizimnen ótken bolıp sonnan 30 internet tarmaǵı arqalı (bo.birdarcha.uz saytınan) mámleketlik dizimnen ótken.
Isbilermenlik subyektlerin qayta dizimnen ótkeriwde jámi 206 (sonnan
23 internet arqalı) yuridikalıq subyektler qayta mámleketlik dizimnen ótken, al fizikalıq tárep sıpatında jámi 186 (sonnan 8 internet arqalı) jeke tártiptegi isbilermenler qayta mámleketlik dizimnen ótken.
Sonday-aq, Shımbay rayonı ádillik bólimi Mámleketlik xızmetler orayında 2024-jıl dawamında Ózbekstan Respublikası Ministrler Kabinetiniń 2019-jıl 21-avgust kúngi 704-sanlı Qararına tiykar óz arzaları boyınsha 132 yuridikalıq subyekt 72 jeke tartiptegi isbilermenler saplastırıldı.
Sonday-aq 24 yuridikalıq subyekt sud uyǵarıwına tiykar bankrot dep tabılıp hám 4 yuridikalıq subyekt basqa yuridikalıq subyektke qosılıp ketip saplastırıldı. Kórsetilip atırǵan mámleketlik xızmetlerge wákillikli organlar tárepinen sebepsiz biykar etiw boyınsha (otkaz) juwapları, múddeti buzılǵan hámde tiykarsız bas tartıw jaǵdayları boyınsha mánzilli tárizde analizlep barılıp hám bul boyınsha 2024-jıl dawamında Ministrlikke sistema arqalı jámi 172 arnawlı xabarnamalar berilgen bolıp, sonnan 45 múrájat tiykarsız qaytarılǵan, 105 múrájattıń múddeti buzılǵan hámde
22 múrájat basqa hár túrli sebeplerge baylanıslı qaytarılǵanlıǵı anıqlandı.
Shımbay rayonı ádillik bólimi Mámleketlik xızmetler orayı xızmetkerleri tárepinen 2024-jıl dawamında huqıqıy úgit násiyat jumısların ámelge asırıw boyınsha Rejege tiykar óz waqtında, mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hámde puqaralarǵa jaratılıp atırǵan qolaylıqlar, birden-bir interaktiv mámleketlik xızmetler portalınan “Mobil-ID” sistemasınan dizimnen ótken halda paydalanıw bul óz gezeginde mámleketlik xızmetlerden elektron sanlı qoltańbasız paydalanıw imkaniyatı hámde isbilermenlik benen shuǵıllanbaqshı bolǵan puqaralarǵa, yuridikalıq subyekt hám jeke tártiptegi isbilermenlik subyektleri haqqında rayon aymaǵında jaylasqan APJ hám MPJ aymaqlarında huqıqıy úgit násiyat jumısların alıp barıldı.
Atap aytqanda oray xızmetkerleri tárepinen jámi 26 ǵalaba xabar quralları arqalı shıġıwlar ámelge asırıldı, sonnan 3 televideniye hám de 11 radio arqalı shıǵıwlar bolıp, 4 gazeta hám 8 veb-sayt arqalı maqalalar shıǵarıldı.
Sonıń menen bir qatarda 61 oqıw seminarlar, 8 márte dóńgelek stol átirapında sáwbetlesiw, hám de úyme-úy barıp 280 nen aslam huqıqıy úgit násiyat jumısları alıp barılıp, 71 isbilermenlik subyektleri kóshpeli tártipte mámleketlik dizimnen ótkerildi.
Huqıqıy úgit násiyat jumısların tiykarınan 15 márte bilimlendiriw orınlarında, 154 márte máhállelerde hámde 16 márte mákeme hám shólkemlerde alıp barıldı.
Shımbay rayonı ádillik bólimi
Mámleketlik xızmetler orayı
direktorı I.Aleuatdinov