Янгиликлар
24
Ózbekstan Respublikası Ministrler Kabinetiniń 2003-jıl 25-avgustdaǵı 365-sanlı Qararınıń mazmun-mánisi hám nekeleniwshilerdiń nekeden aldın medicinalıq korikten ótiw tártibi
Salamat shańaraqtı qáliplestiriw ushın shárt-shárayatlar jaratıw, genetika menen baylanıslı hám tuwma keselliklerge shalınǵan balalar tuwılıwınıń aldın alıw nekeleniwshi shaxslardı medicinalıq kórikten ótkeriwdiń tiykarǵı maqseti esaplanadı.
Sonlıqtan, Ózbekstan Respublikası Ministrler Kabinetiniń 2003-jıl 25-avgustdaǵı “Nekeleniwshi shaxslardı medicinalıq kórikten ótkeriw tuwrısındaǵı Rejeni tastıyıqlaw haqqında”gi 365-sanlı Qararına muwapıq, bolajaq kelin-kúyewler biypul medicinalıq kórikten ótkeriledi.
Nekeleniwshi shaxslar Birden-bir interaktiv mámleket xızmetleri portalı arqalı nekeden ótiw ushın arza beredi. Sonnan keyin, jiberilgen arzanı PHAJ uyımları kórip shıǵıp, nekeleniwshi shaxslarǵa medicinalıq kórikten ótiw ushın jollama beredi. Jollama házirde PHAJ uyımlarında qaǵaz formasında nekeleniwshi shaxslardıń ózlerine beriledi. Medicinalıq kórikten ótkennen keyin, neke dúziliwine Ózbekstan Respublikası Shańaraq kodeksinde názerde tutılǵan tosıqlar joq bolǵan jaǵdayda, PHAJ uyımları tárepinen nekeni dizimge alıw belgilengen tártipte ámelge asırıladı.
2021 jıl 1 iyun kúninen baslap puqaralardıń turaqlı (waqtınsha ) dizimnen ótken jerine qaramastan puqaralıq halatı aktların dizimge alıw, nekeleniwshi shaxslardı medicinalıq kórikten ótkeriw sıyaqlı ámeliyatlar eksterritoriallıq principi tiykarında ámelge asırıladı
Jaslar kóp tarmaqlı oraylıq poliklinikalarında biypul dispanserizatsiyadan, yaǵnıy kardiolog, endokrinolog, revmatolog qánigelerinen neke aldı medicinalıq kórikten ótedi hám de qosımsha UTT, EKG, ulıwma qan analizi, qandaǵı qant muǵdarı anıqlanadı.
Sonıń menen birge, ruhıy kesellikler (shizofreniya, epilepsiya, oligofreniya), narkologik kesellikler, minez xulqı, tuberkulyoz hámde OIv/OITS júzesinen tekseriwler alıp barıladı.
Nekeleniwshi shaxslardıń medicinalıq kórik nátiyjeleri haqqında medicina shólkeminiń juwmaǵı menen maǵlıwmatnama beriledi, bunda maǵlıwmatnama medicina shólkeminiń móri hám baslıqtıń qolı menen tastıyıqlanadı.
Ulıwma atyqanda, nekeleniwshi shaxslardıń nekeden aldın medicinalıq kóriklerden ótiwi keleshekte salamat perzentlerdiń tuwılıwına hám de ana hám bala salamatlıǵın bekkemlewde úlken áhmiyetke iye.
Nókis qalası ádillik bólimi
PHAJ bólimi 1-dárejeli inspektorı D.Naurızbaeva