Янгиликлар
24
Taqiyatas rayonı ádillik bólimi Màmleketlik xizmetler orayı iskerligi boyınsha
Taqiyatas rayonı ádillik bólimi Màmleketlik xizmetler orayı iskerligi boyınsha
Taqiyatas rayonı ádillik bólimi Mámleketlik xızmetleri orayı tàrepinen 2024-jıl dawamında 61 yuridikalıq shaxslar, 692 jeke tártiptegi isbilermenler, jámi 753 isbilermenlik subyekti mámleketlik dizimnen ótkerildi.
Sonday-aq 304 isbilermenlik subyektleri, sonnan: 94 yuridikalıq shaxslar, 210 jeke tártiptegi isbilermenler qayta dizimnen ótkerildi. 2024-jıl oray xızmetkerleri tárepinen puqaralarģa hám isbilermenlik subyektlerine jámi 29 613 mámleketlik xızmetler kórsetildi.
Puqaralar tàrepinen jıl dawamında eń kóp kórsetilgen xızmetler balanı mektepke shekemgi bilimdendiriw shólkemine beriw boyınsha 1868, sudlanbaǵanlıq (yàki sudlanǵanlıq) haqqında maǵlıwmat alıw boyınsha 2454, narkologiya hàm ruwxıy dispanserinen esapta bar yàki joqlıǵı haqqında maǵlıwmat alıw boyınsha 4595, kóshpes mùlk obyektine bolǵan huquqtı màmleketlik dizimnen ótkeriw boyınsha 2602, kadastr pasportın tayarlaw boyınsha 679, pensiya haqqında maǵlıwmat alıw boyınsha 1556 xızmetler kórsetildi.
Rayon orayınan alıs aymaqlardaģı jasawshı puqaralardıń waqıtların tejew hám olardıń uzaģın jaqın qılıw, sonıń menen birge imkániyatı sheklengen puqaralarģa qolaylıqlar jaratıw maqsetinde kóshpeli ta’rtipte 2024-jıl dawamında oraydan alısta jaylasqan “Sarayko’l”, “Keneges”, “Naymanko’l” APJ aymaqlarında jasaytuģın puqaralarģa 1 650 mámleketlik xızmetler kórsetildi.
Mámleketlik xızmetler kórsetiwde rayon aymaģındaģı xızmet kórsetiwshi mákeme hám kárxanalar, taraw boyınsha respublika masshtabındaģı kárxanalar menen tolıq integraciya ornatılģan. Rayon orayınan alıs aymaqlardaģı jasawshı puqaralardıń waqıtların tejew hám olardıń uzaģın jaqın qılıw, sonıń menen birge imkániyatı sheklengen puqaralarģa qolaylıqlar jaratıw, puqaralarımızģa tarawımızģa tiyisli bolģan normativ-huquqıy hújjetlerdiń mazmun-mánisin túsindiriw maqsetinde olardıń jasap turģan orınlarına barģan halda ótken jil dawamında 3152 kóshpeli mámleketlik xızmetler kórsetilgen bolıp bul jámi xızmettiń 9,1 % quraģan.
Taqiyatas rayonı ádillik bólimi
Màmleketlik xızmetler orayı
bólimi baslıǵı Sh.Sariyev