Янгиликлар
24
Bir márte múrájat etiw arqali barliq hújjetlerdi tez hám ańsat rásmiylestiriń
Bir márte múrájat etiw arqali barliq hújjetlerdi tez hám ańsat rásmiylestiriń
Xalıqqa mámleketlik xızmetlerin qolay hám ańsat formada kórsetiw kólemin asırıw hám puqaralardıń organba-organ áwere bolıp júriwiniń aldın alıw maqsetinde Ministrler Kabinetiniń «Ózbekstan Respublikası húkimetiniń ayırım qararlarına ózgerisler hám qosımshalar kirgiziw haqqında» 2024-jıl 18-dekabrdegi 847-sanlı qararı qabıl etildi. Usı qarar menen 5 túrdegi mámleket xızmetlerin proaktiv tárzde kórsetiw jolǵa qoyılıp atır.
Proaktiv mámleket xızmeti degende fizikalıq hám yuridikalıq shaxslardıń múrájatısız wakillikli organlar baslaması menen kórsetiletuǵın mámleketlik xızmetleri túsiniledi. Bul qarar menen:
- elektr energiyasın esapqa alıw úskenelerin dáwirlik salıstırıwdan ótkeriw;
- tábiyiy gazdi esapqa alıw úskenelerin dáwirlik salıstırıwdan ótkeriw;
- ishimlik suwın esapqa alıw úskenelerin dáwirlik salıstırıwdan ótkeriw;
- ıssı suwdı esapqa alıw úskenelerin dáwirlik salıstırıwdan ótkeriw;
- jeke bántlik agentliklerin «Jeke bántlik agentlikleriniń reestrına» kirgiziw xızmetlerin proaktiv tárizde kórsetiliwi belgilendi.
Kompozit mámleketlik xızmeti bul fizikalıq hám yuridikalıq shaxslardıń bir múrájatı tiykarında wákillikli organlar tárepinen kórsetiletuǵın eki hám onnan artıq mámleketlik xızmetleriniń jıyındısı bolıp tabıladı.
Sonday-aq, 6 túrdegi mámleket xızmetlerin kompozit tárizde kórsetiw jolǵa qoyılıp atır :
- kóshpes múlkke bolǵan huqıqtı mámleketlik diziminen ótkeriw hám usı mánzilge turaqlı jasaw ornı boyınsha dizimge alıw ;
- kóshpes múlk ijara yamasa tegin paydalanıw shártnamaların mámleket salıq xızmeti shólkemlerinde esapqa qoyıw hám usı mánzilge turaqlı jasaw ornı boyınsha dizimge alıw;
- mámleketke tiyisli imaratlardi bir jıldan kem bolmaǵan múddetke ijaraǵa beriw hám kóshpes múlkke bolǵan huqıqtı mámleketlik diziminen ótkeriw;
- E-aukcion elektron sawda platformasında kóshpes múlk obyektlerin satıw hám kóshpes múlkke bolǵan huqıqlardı mámleketlik diziminen ótkeriw;
- medicinaliq iskerlik ushın licenziya menen birge rentgen úskenesinen paydalanıw ushın ruxsatnama alıw ;
- qáwipli júklerdi tasıw ushın sıyımlılıqlardıń jaramlılıǵı haqqında juwmaq penen birge yadrolıq hám radioaktiv materiallar, radiaciya derekleri, radioaktiv shıǵındılar hám qurılmalardı tasıw shártleri hám usıllarınıń sanitariya qaǵıydalarına muwapıqlılıǵı haqqında juwmaq alıw.
Yuridikalıq xızmet kórsetiw
orayı bas yuriskonsulti N.Amangeldieva