Янгиликлар
24
Xojeli rayonı ádillik bólimi tárepinen 2024-jıl dawamında islengen jumıslar boyınsha esabatı
Ádillik uyımlarında 2024 jıl zamanagóy basqarıw usılları ámeliyatqa engiziliwi múnásibeti menen rayon ádillik bólimleriniń jumıs iskerliginde talap etiwshilik kúsheytirilip, xızmetkerlerdiń juwapkerligi jánede asırıldı. Nátiyjede ádillik bólimleri aldına qoyılǵan wazıypalardı ámelge asırıw, atap aytqanda puqaralar múrájatleri menen islesiw, monitoringler ótkeriw, rayon dárejesindegi mákeme hám shólkemlerde huqıqtı qollaw ámeliyatın úyreniw, nızamshılıqtaǵı jańalıqlar hám mámleket siyasatın jetkiziw boyınsha jumıslarda nátiyjelilik arttı.
Xojeli rayonı ádillik bólimine 2024 jıl jámi 567 arza hám shaǵımlar kelip tústi, olardıń 457 arza, 110 shaǵımlar, kelip túsken arzalardıń 453 hám shaǵımlardıń 109 sheshildi. Múrájatshılardıń 309 is haqı hám oǵan teńlestirilgen tólemlerdi bilimlendiriw, irrigaciya, toǵay xojalıǵı, bólimlerinen óndiriwde, qalǵanları jumısqa qayta tiklew, pensiya stajın qayta esaplaw hám basqada máselelerde ámeliy járdem beriwdi soraǵan.
Jámi qanaatlandırılǵan arza hám shaǵımlar 348, huqıqıy túsinik berilgenleri 219 nı quradı, qalǵanları is júritiwde úyrenilmekte. Sonıń menen birge, tikkeley jeke qabıllawlarda jámi 245 puqaralardıń múrajatları qabıllandı.
Norma dóretiwshiligi salasında sociallıq qorǵaw, isbilermenlik, bilimlendiriw hám basqa tarawlarǵa tiyisli nızamshılıqtı jetilistiriw barısında 4 usınıs islep shıǵıldı.
Bólim tárepinen ótkerilgen monitoring nátiyjesinde Xalıq deputatları rayonlıq Keńesiniń 2 hám rayon hákiminiń 2 qararları nızam talaplarına juwap bermegenligi sebepli olardı biykarlaw haqqında usınıslar kiritildi.
Bólim tárepinen puqaralardıń huqıq hám máplerin qorǵaw boyınsha bir qansha jumıslar ámelge asırıldı. Atap aytqanda, puqaralardıń mápinde puqaralıq sudlarǵa jámi 859 mln. 547, 45 swmlıq 43 arza hám dawa arzalar kiritilip, sonnan jámi 38 dawa arza qanaatlandırıldı hám qalǵanları sud tárepinen kórip shıǵılmaqta.
Bunnan tısqarı, rayondaǵı 63 mákeme hám shólkemlerde ótkerilgen 8 úyreniw hám 6 monitoringlar dawamında 1235 ta nızam buzılıw jaǵdayları anıqlanıp, olardı saplastırıw barısında rayonlıq bilimlendiriw, medicina birlespesi, bántlik hám basqada mákeme hám shólkemlerge jámi nızambuzıwshılıqtı saplastırıw haqqında – 75, hákimshilik juwapkershilikke tartıw haqqında – 48 usınıslar kiritildi, nátiyjede 48 dana shaxs huqıqıy juwapkershilikke tartıldı hámde 200 aslam puqaralardıń 6, 5 mlrd. sumlıq pul qarjıları tolıq óndirilip berildi.
Nızambuzıwshılıq jaǵdayları rayonlıq medicina birlespesinde, temir jol emlewxanası, bilimlendiriw mákemeleri tárepinen mámleketlik xızmetlerin kórsetiw tarawında, bántlik uyımına sociallıq-ekonomikalıq tarawda huqıqtı qollaw ámeliyatında hámde basqa tarawlarda anıqlandı.
Puqaralardıń huqıqıy sana-sezimine jáne mádeniyatın asırıw salasında salmaqlı jumıslar ámelge asırıldı. Atap aytqanda, 2024 jıl dawamında bólim xızmetkerleri tárepinen jámi 791 huqıqıy úgit-násiyat ilajları alıp barıldı.
Sonnan 178 ǵalaba xabar quralları (televideniye, radio, gazeta hám social tarmaqlar) arqalı, 614 awızeki huqıqıy úgit-násiyat ilajları ámelge asırılǵan bolsa, kórgizbeli úgit-násiyat jumısları 90 quradı.
Huqıqıy úgit-násiyat jumısları rayondaǵı mámleketlik uyımlarda, sonıń ishinde medicina birlespesi, xalıq bilimlendiriw bólimi hám oǵan qaraslı orta bilim beriw mektepleri, mektepke shekemgi bilimlendiriw bólimi, mádeniyat bólimi, irrigaciya hám toǵay xojalıǵı, sanitariya, veterinariya, abadanlastırıw, pensiya qorı, qurılıs bólimi, sonday-aq awıl hám mákán puqaralar jıyınlarında alıp barıldı.
Xojeli rayonı ádillik
bólimi baslıǵı A.Shabatov