Янгиликлар
24
Mámleketlik emes kommerciyalıq emes shólkeminiń ustavı
Mámleketlik emes kommerciyalıq emes shólkemleriniń ustavı Ózbekstan Respublikasınıń “Mámleketlik emes kommerciyalıq emes shólkemleri haqqında”ǵı Nızamı hám basqa nızamshılıq hújjetleri tiykarında islep shıǵıladı.
Nızamnıń 17-statyasına tiykar, mámleketlik emes kommerciyalıq emes shólkemlerininiń ustavında:
- mámleketlik emes kommerciyalıq emes shólkeminiń atı, maqseti hám wazıypaları, onıń shólkemlestiriwshilik-huqıqıy forması, ol óz iskerligin ámelge asıratuǵın aymaq;
- mámleketlik emes kommerciyalıq emes shólkeminiń dúzilmesi hám basshı uyımları, zárúrllikke qarap onıń tekseriw uyımları (sociallıq fondlar ushın – májbúriy) yáki auditorlardı (auditorlıq firmaların) tartıwdıń májbúriyligi;
- basshı uyımlarınıń wákillik sheńberinde hám olardı qáliplestiriw tártibi, olardıń wákillik múddetleri, turaqlı tiykarda isleytuǵın basshı uyım jaslasqan jer;
- aǵzalıq belgilengen birlespeler ushın – aǵza bolıw hám aǵzalıqtan ayırıw shártleri hám tártibi, aǵzalardıń huqıq hám májbúriyatları;
- pul qarjıları hám basqa mal-múlkti qáliplestiriw derekleri, mámleketlik emes kommerciyalıq emes shólkemleri hám de olardıń quramlıq bólimleriniń mal-múlkin basqarıw barısındaǵı huqıqları;
- qayta shólkemlestiriw hám saplastırıw tártibi;
- ustavǵa ózgerisler hám qosımshalar kirgiziw tártibi názerde tutıladı.
Sonday-aq, Ózbekstan Respublikası Ministrler Kabiynetiniń 2014-jıl 10-marttaǵı 57-sanlı qararı menen tastıyıqlanǵan “Mámleketlik emes kommerciyalıq emes shólkemlerin mámleketlik dizimnen ótkeriw tártibi haqqında”ǵı Reje menen mámleketlik emes kommerciyalıq emes shólkemleri ustavlarına ayırım talaplar qoyıladı.
Atap aytqanda, Rejeniń 13-bántine tiykar, mámleketlik emes kommerciyalıq emes shólkemin mámleketlik dizimnen ótkeriw haqqındaǵı arzaǵa mámleketlik tildegi ustav yamasa yuridikalıq shaxs esaplanatuǵın óz aldına bólim haqqında reje, eki nusxada Ustav (reje) tártip nomeri qoyılǵan, jip ótkerip tigilgen hám shólkemlestiriwshi(ler) wákil qılǵan shaxs qol tańbası menen tastıyıqlanǵan bolıwı kerek.
Bunnan tısqarı, Nızamnıń 21-statyasına tiykar, mámleketlik emes kommerciyalıq emes shólkemin dizimge alǵan uyım onıń iskerligi ustavta belgilengen maqsetlerge hám de Ózbekstan Respublikasınıń nızamshılıǵına muwapıqlılıǵın qadaǵalaydı.
Nızamnıń 34-statyasında bolsa, mámleketlik emes kommerciyalıq emes shólkemleri tárepinen mámleketlik emes kommerciyalıq emes shólkemleri haqqındaǵı nızamshılıq buzılǵan, sonday-aq ustav maqsetlerine qayshı bolǵan háreketler islengen táǵdirde prokuratura uyımları yáki ádillik uyımları kórsetilgen qaǵıydabuzıwshılıqlar haqqında usı mámleketlik emes kommerciyalıq emes shólkeminiń basshı uyımlarına usınıs kirgizedi hám de bul qaǵıydabuzıwshılıqlar saplastırıw múddetin belgileydi. Eger bul qaǵıydabuzıwshılıqlar belgilengen múddette saplastırılmasa, mámleketlik emes kommerciyalıq emes shólkeminiń iskerligi prokuratura hám ádillik uyımlarınıń usınısı tiykarında sudtıń qararı menen altı ayǵa shekem bolǵan múddetke toqtatıp qoyılıwı beilgilengen.
Ministrliktiń Mámleketlik emes
kommerciyalıq emes shólkemi
sektorı bas másláhátshisi A.Seydabullaev