Янгиликлар
24
Shomanay rayonı ádillik bólimi tárepinen 2024-jıl dawamında ámelge asırılǵan jumıslar esabatı
Shomanay rayonı ádillik bólimi tárepinen 2024-jıl dawamında huqıqtı qollaw ámeliyatı, norma dóretiwshiligi, insan huqıqların qorǵaw, huqıqıy úgit násiyat, mámleketlik xızmetlerin kórsetiw, puqaralıq halatı aktlerin jazıw hám yuridikalıq xızmet kórsetiw tarawlarında bir qansha unamlı jumıslar ámelge asırıldı.
Atap aytqanda, 2024-jıl dawamında ádillik bólimi tárepinen insan huqıqların qorǵaw tarawında puqaralardıń pensiya, napaqa, miynet qatnasıqları, is haqı hám sociallıq qatnasıqları máseleleri hám mámleketlik xizmetler kórsetiw boyınsha jámi 1096 múrájatı qabıllandı. Sonnan 1095 múrájat óz sheshimin tawıp, 1 múrájat tiyisligi boyınsha jiberildi.
Óz sheshimin tawǵan 1095 múrájattten 1021 múrájat qanaatlandırıldı,
75 múrájatke huqıqıy túsinikler berildi.
Sonday-aq, 2024-jıl dawamında bólim tárepinen puqaralardıń múrájatlerin úyreniw nátiyjesinde 36 puqaranıń pensiya tayınlawda esapqa alınbaǵan is stajların tiklew hám pensiya muǵdarın qayta esaplatıp tayınlatıw boyınsha hákimshilik sudına dawa arzalar kiritilip, tolıǵı menen qanaatlandırılıwına erisildi. Puqaralıq isleri boyınsha sudlarǵa dawa arzalar kiritiw arqalı 18 puqaranıń yuridikalıq faktlerin tastıyıqlatıp, 6 puqaranıń jámi 38 mln sumnan artıq is-haqı hám oǵan qosımsha tóleniwi lazım bolǵan ústeme pulları óndirilip beriliwine erisildi.
Bunnan tısqarı, mákeme hám shólkemlerge usınıslar kiritiw arqalı
686 469 866 sum puqaralardıń is-haqıları hámde oǵan qosımsha ústeme pulları tóletip berildi. Sol qatarda, kiritilgen usınıslar tiykarında, rayonlıq mákeme hám shólkemler tárepinen qabıl etilgen jami 130 yuridikalıq áhmiyetke iye buyrıq hám shártnamalar nızam hújjetleri talaplarına muwapıqlastırılıwına, fizikalıq shaxslardıń huquqların tiklew boyınsha 44 hújjet jańadan qabıl etilip olardıń huqıqları tikleniwine erisildi.
Bólim tárepinen norma dóretiwshiligi tarawında alıp barılǵan jumıslarǵa toqtalıp ótetuǵın bolsaq, rayon hákimliginen kelip túsken 6 hám xalıq deputatları rayonlıq keńesiniń 12 normativlik-huqıqıy xarakterdegi sheshim joybarı huqıqıy ekspertizadan ótkerilip, nızamshılıq hújjetleri hámde nızamshılıq texnikası qaǵıydası talaplarına muwapıq dep tabılıp, unamlı juwmaqlar berildi.
2024-jıl dawamında rayonlıq ádillik bólimi tárepinen huqıqtı qollaw ámeliyatın úyreniw tarawında ámelge asırılǵan jumıslar tómendegilerden ibarat:
Ózbekstan hám Qaraqalpaqstan Respublikası Ádillik ministrliginiń
2024-jıl ushın mólsherlengen is-rejesi, buyrıq hám tapsırma xatları tiykarında ótkerilgen 24 úyreniwde jámi 52 mámleketlik uyımları hám shólkemleriniń rayonlıq strukturaları jumıslarında huqıqtı qollaw ámeliyatı úyrenildi hám 1607 halatta nızambuzılıwshılıq jaǵdayları anıqlandı.
Rayonlıq ádillik bólimi tárepinen 2024-jıl dawamında kórip shıǵılǵan múrájatlar, ótkerilgen úyreniw hám monitoringlar nátiyjesinde anıqlanǵan nızambuzıwshılıq jaǵdayların saplastırıw maqsetinde jámi 52 usınıs hám 22 hákimshilik juwapkershilik máselesi boyınsha usınıs sıyaqlı tásir sharaları kiritildi. Bul tásir sharaları nátiyjesinde 14 shaxs intizamıy juwapkershilikke,
22 shaxs hákimshilik juwapkershilikke tartıldı.
Huqıqıy úgit násiyat tarawında rayonlıq ádillik bólimi tárepinen 2024-jıl dawamında jámi 1252 márte úgit-násiyat jumısları alıp barılıp, sonnan televideniye arqalı 51 márte, radio arqalı 54 márte, gazeta arqalı 17 márte, elektron baspalarda (rásmiy dizimnen ótken elektron informaciya resursları) 32 márte, social tarmaqlar arqalı huqıqıy úgit násiyatlaw 261 márte, sonday-aq 28 márte kórgizbeli, 809 márte awızeki úgit násiyat jumısları alıp barıldı.
2024-jıl dawamında rayonlıq ádillik bóliminiń mámleketlik xızmetler orayı tárepinen ámelge asırılǵan jumıslar:
Shomanay rayonı boyınsha 2024-jıl dawamında 131 yuridikalıq shaxslar, 620 jeke tártiptegi isbilermenler, jámi 751 isbilermenlik subyekti mámleketlik dizimnen ótkerildi. (Sonnan: fo.birdarcha.uz sisteması arqalı onlayn tárizde 67 yuridikalıq shaxslar, 50 jeke tártiptegi isbilermenler mámleketlik dizimnen ótken).
Esabat dawamında jámi 203 isbilermenlik subyektleri, sonnan: 124 yuridikalıq shaxslar, 79 jeke tártiptegi isbilermenler qayta dizimnen ótkerildi. (Sonnan: fo.birdarcha.uz sisteması arqalı onlayn tárizde 40 yuridikalıq shaxslar, 7 jeke tártiptegi isbilermenler qayta dizimnen ótken)
2024-jıl dawamında oray xızmetkerleri tárepinen puqaralarǵa hám isbilermenlik subyektlerine jámi 28647 mámleketlik xızmetler kórsetildi.
Rayon orayınan alıs aymaqlardaǵı jasawshı puqaralardıń waqıtların tejew hám olardıń uzaǵın jaqın qılıw, sonıń menen birge imkániyatı sheklengen puqaralarǵa qolaylıqlar jaratıw maqsetinde olardıń jasap turǵan orınlarına barǵan halda 2024-jıl dawamında jámi 3597 kóshpeli mámleketlik xızmetler kórsetilgen bolıp bul jámi xızmettiń 12,6 % quraydı.
Kórsetilip atırılǵan mámleketlik xızmetlerdegi sebepsiz biykar etilgen (otkaz) juwapları, múddeti buzılǵan hámde tiykarsız bas tartıw jaǵdayları boyınsha mánzilli tárizde analizlep barılmaqta hám bul boyınsha 2024-jıl dawamında jámi 280 arnawlı xabarlar berildi. Solardan rayonlıq mákeme hám shólkemler tárepinen mámleketlik xızmetlerin kórsetiwde múddet buzılıw jaǵdaylarına jol qoyǵan jámi 15 juwapker xızmetkeri HJhKtiń 2155-statyası menen hákimshilik juwapkershilikke tartıldı.
2024-jıl dawamında rayonlıq ádillik bóliminiń PHAJ bólimi tárepinen ámelge asırılǵan jumıslar:
Shomanay rayonı ádillik bólimi PHAJ bóliminde 2024-jıl dawamında 866 tuwılǵanlıq dizimge alındı, sud qararı menen 7 bala perzentlikke alınıp tuwılǵanlıq haqqında guwalıqlar berildi, akt jazıwına ózgeris, dúzetiw hám qosımshalar kiritkenler 44, jalǵız analar arzası tiykarında 15 balaǵa tuwılǵanlıq haqqında guwalıqlar berildi, atalıqtı belgilep 58 balaǵa tuwılǵanlıq haqqında gúwalıqlar berildi. 280 neke dizimge alınıp sonnan tórtewi saltanatlı túrde nekeden ótkerildi. Nekeden ajırasqanlar 41, 232 puqaranıń ólimi dizimge alınıp, sonnan 41 qaytıs bolǵan puqaraǵa sudtıń qararın orınlap ólim haqqında gúwalıqlar berildi.
Mámleketlik bajı 47 449 250 sum, gerb jıyımı 67 099 500 sum hám pullıq xızmet 23 518 000 sum óndirilgen.
2024-jıl dawamında rayonlıq ádillik bóliminiń yuridikalıq xızmet kósetiw orayı tárepinen ámelge asırılǵan jumıslar:
Mámleketlik organ hám shólkemlerden jámi 25 058 dana normativ kúshke iye hújjet, yaǵnıy 17489 dana buyrıqlar, 7569 dana puqaralıq hám miynet shártnamaları joybarları kelip tústi. Sonnan 17459 dana buyrıq hám 7561 dana puqaralıq hám miynet shártnamaları joybarlarına nızam hújjetler muwapıqlı dep tabılıp, juwmaqlar berildi, 30 dana buyrıq hám 8 dana puqaralıq hám miynet shártnamaları, jami 38 dana hújjet joybarlarına ámeldegi nızam hújjetlerge muwapıq bolmaǵanlıǵı sebepli qaytarıldı.
Sonıń menen birge, sudqa shekemgi sheshiliwi juzesinen tiyisli mákemeler menen shárnama duziwshi kárxanalarǵa 105.825.936 sumlıq 27 dana talapnama kiritilip tiyisligi boyınsha kórip shıǵıldı hámde sudqa 49.431.367 sumlıq 10 dana dawa arzalar kiritilip tolıǵı menen qanatlandırıldı.
Shomanay rayonı
ádillik bólimi baslıǵı R.Dushanov