Янгиликлар
24
Perzentlikke alıw
Perzentlikke alıw haqqında ózgertiwler kirgiziw sudtıń hal qılıw qararı tiykarında tuwılǵanlıq haqqındaǵı akt jazıwın dizimge alǵan PHAJ organında, perzentlikke alınǵan balanıń tuwılǵan jeri ózgertirilgende bolsa — hal qılıw qararında kórsetilgen orındaǵı PHAJ organında, hal qılıw qararda kórsetilmegen bolsa perzentlikke alıwshılardıń turaqlı (waqtınsha) dizimnen ótken jerine qaramastan PHAJ organı tárepinen ámelge asırıladı.
Perzentlikke alınıp atırǵan balanıń tuwılǵanlıǵı haqqındaǵı akt jazıwına zárúr ózgertiwler PHAJ organları tárepinen, perzentlikke alıw haqqındaǵı sudtıń hal qılıw qararı nızamlı kúshke kirgen kúnnen baslap on kún dawamında kiritiledi. PHAJ organına kórsetip ótilgen múddet tawsılǵannan keyin shaqırıq etilgen jaǵdayda sud sheshiminde bul qarar óz kúshin joǵaltpaǵanlıǵı haqqında jazıw bolıwı kerek.
Perzentlikke alıwdı rásmiylestiriwde PHAJ organına:
sudtıń nızamlı kúshke kirgen perzentlikke alıw haqqındaǵı qararınan kóshirme;
perzentlikke alınıp atırǵan balanıń tuwılǵanlıq haqqındaǵı gúwalıǵı;
perzentlikke alıwshı (lar) dıń shaxsın tastıyıqlaytuǵın hújjetleri usınıs etiledi.
Sudtıń hal qılıw qararı kelip túsken waqıtına kóre arnawlı dápterde dizimge alınadı hám bólek xronologik tártipte tigip qoyıladı.
PHAJ organı sudtıń hal qılıw qararı hám perzentlikke alıwshılardıń hújjetleri tiykarında tuwılǵanlıq haqqındaǵı akt jazıwına tiyisli ózgertiwlerdi kiritedi, tuwılǵanlıq haqqındaǵı jańa gúwalıq hám, zárúr bolǵanda, perzentlikke alınǵanlıǵı haqqında maǵlıwmatnama beredi.
Eger sudtıń hal qılıw qararında 10 jasqa deyingi balanıń tuwılǵan jeri respublika sheńberinde ózgertirilgen bolsa, ol jaǵdayda hal qılıw qararında kórsetilgen orındaǵı PHAJ organında, hal qılıw qararında kórsetilmegen bolsa perzentlikke alıwshılar shaqırıq etken PHAJ organı tárepinen tiklengen akt jazıwı dizimge alınadı.
Bunda, akt jazıwın dizimge alǵan PHAJ organına akt jazıwına ózgertiw kirgiziw ushın elektron málimleme sisteması arqalı sorawnama jiberiledi hám dáslepki akt jazıwı dizimge alınǵan PHAJ organı akt jazıwın sorawnama jibergen PHAJ organına “PHAJdıń birden-bir elektron arxivi” málimleme sisteması arqalı jiberedi.
Perzentlikke alıwshılar múráját etken PHAJ organı dáslepki akt jazıwı dizimge alınǵan PHAJ organı PHAJ arxivına (akt jazıwı bir nusqada dizimge alınǵan jaǵdaylar bunnan tısqarı) onı biykarlaw haqqında “PHAJdıń birden-bir elektron arxivı” málimleme sisteması arqalı xabarnama jiberiledi.
Perzentlikke alıwdı sır saqlaw maqsetinde perzentlikke alıw ushın hújjetler perzentlikke alıwshılardıń wákilleri tárepinen, nızamshılıqta belgilengen tártipte PHAJ organına usınıs etiliwi múmkin.
Eger perzentlikke alıw biykar etilse ol jaǵdayda tuwılganliq haqqındaǵı akt jazıwına “Perzentlikke alıw ___________ sudınıń ______ jıl _________ ay __ kúndegi qararı menen biykar etildi” dep jazıladı hám akt jazıwındaǵı dáslepki maǵlıwmatlar tiklenedi hám de tuwılǵanlıq haqqındaǵı jańa gúwalıq beriledi.
PHAJ organı akt jazıwınıń ekinshi nusqasına (akt jazıwı bir nusqada dizimge alınǵan jaǵdaylar bunnan tısqarı) tiyisli ózgertiwler kirgiziw ushın PHAJ arxivına xabarnama jiberiledi.
Bozataw rayonı ádillik bólimi
PHAJ bólimi inspektorı Sh.Shalabaev