Янгиликлар
24
Xojeli rayonı ádillik bólimi Mámleketlik xızmetler orayı tárepinen 2024-jıl dawamında ámelge asırılǵan jumıslar haqqında
Isbilermenlik subyekti sıpatında mámleketlik dizimnen ótkeriwde;
Xojeli rayonı boyınsha 2024-jıl dawamında 143 yuridikalıq shaxslar, 1245 jeke tártiptegi isbilermenler, jámi 1388 isbilermenlik subyekti mámleketlik dizimnen ótkerilgen.
(Sonnan: fo.birdarcha.uz sisteması arqalı 24 yuridikalıq shaxslar, 46 jeke tártiptegi isbilermenlik subyektleri mámleketlik dizimnen ótken)
2024-jıl dawamında jámi 799 isbilermenlik subyektleri, sonnan: 243 yuridikalıq shaxslar, 696 jeke tártiptegi isbilermenler qayta dizimnen ótkerildi.
(Sonnan: fo.birdarcha.uz sisteması arqalı 80 yuridikalıq shaxslar, 26 jeke tártiptegi isbilermenlik subyektleri qayta mámleketlik dizimnen ótken)
Mámleketlik xızmetlerdi kórsetiw boyınsha
2024-jıl dawamında oray xızmetkerleri tárepinen puqaralarǵa hám isbilermenlik subyektlerine jámi 84 794 (Sonnan: my.gov.uz sisteması arqalı 12164 mámleketlik xızmetten paydalanǵan) mámleketlik xızmetler kórsetilgen.
Rayon orayınan alısta jaylasqan aymaqlarǵa barǵan halda kóshpeli tártipte 2024-jıl dawamında 8239 mámleketlik xızmetler kórsetilip, sonnan 178 jańadan isbilermenlik subyektleri mámleketlik dizimnen ótkerildi.
Mámleketlik xızmetler kórsetiwde rayon aymaǵındaǵı xızmet kórsetiwshi mákeme hám kárxanalar, taraw boyınsha respublika masshtabındaǵı kárxanalar menen tolıq integraciya ornatılǵan.
Rayon orayınan alıs aymaqlardaǵı jasawshı puqaralardıń waqıtların tejew hám olardıń uzaǵın jaqın qılıw, sonıń menen birge orayǵa keliw imkáni joq puqaralarǵa qolaylıqlar jaratıw, puqaralarımızǵa tarawımızǵa tiyisli bolǵan normativ-huquqıy hújjetlerdiń mazmun-mánisin túsindiriw maqsetinde olardıń jasap turǵan orınlarına barǵan halda 2024-jıl dawamında máhállelerde, bilimlendiriw orınlarında hám mákeme shólkemlerde 225 seminar ushrasıwlar hám de úyme úy barıp túsinik jumısları alıp barıldı. Ushırasıwlar dawamında 2100 flayer hám bukletler tarqatıldı.
Sonday-aq, 2024-jıl dawamında huqıqıy úgit násiyatlardı ámelge asırıw boyınsha Rejege tiykar, oray xızmetkerleri tárepinen óz waqtında mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hámde puqaralarǵa jaratılıp atırǵan qolaylıqlar, jeńillikler boyınsha keńnen túsindiriw maqsetinde ǵalaba xabar quralları, (televideniye, radio, sonday-aq sociallıq tarmaqlarda maqalalar jarıtıp barıldı.
Atap aytqanda oray xızmetkerleri tárepinen jámi 108 ǵalaba xabar quralları arqalı maqalalar járiyalandı, sonnan 12 televideniye, 73 veb sayt, 23 radio arqalı shıǵıwlar bolıp, maqalalar berildi.
Xojeli rayonı ádillik bólimi
Mámleketlik xızmetler orayı
direktorı J.Sabirov