Янгиликлар
23
Moynaq rayonı ádillik bólimi tárepinen 2024-jıl dawamında ámelge asırılǵan jumıslar haqqında
Prezidentimizdiń 2018-jıl 13-aprel kúngi 5415-sanlı Pármanı menen Ádillik ministrligi jumısların jetilistiriw tarawında reformalar ámelge asırılıp, ministrlik tariyxında birinshi márte rayon (qala) ádillik bólimleri shólkemlestirildi hám olarǵa tómendegishe wazıypalar júkletilgen edi: Atap aytqanda:
- hákimlerge hám mámleketlik organlarına nızamlar hámde normativ - huqıqıy hújjetlerdi qollaw máseleleri boyınsha másláhátler beriw;
- qabıl etilip atırǵan nızamlar hám normativ - huqıqıy hújjetlerdiń mazmun - mánisin «respublika-wálayat-rayon-máhálle» principi boyınsha xalıqqa jetkeriw;
- hákimler hám xalıq deputatları keńesleriniń qararların huqıqıy ekspertizadan ótkeriw;
- huqıqtı qollaw ámeliyatın úyreniw, analizlew hám usınıslardı islep shıǵıw;
- óz wákillik sheńberinde fizikalıq hám yuridikalıq shaxslardıń múrájatların kórip shıǵıw wazıypaları júkletilgen.
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2024-jıl dawamında Moynaq rayonı ádillik bólimi tárepinen bir qatar jumıslar ámelge asırıldı.
Atap aytqanda, bólimge jámi 414 múrájáát kelip túsken bolıp, sonnan 170 múráját qanaatlantırıldı, 231 múrájátke huqıqıy túsinikler berildi, 13 múráját tiyisliligi boyınsha basqa organlarǵa jiberildi, múrájátlar boyınsha sudlarǵa 595 156 445 swmlıq 57 dawa arzalar kirgizilip, puqaralardıń huqıqları tiklendi.
Bólimge kelip túsken múrájátlar analizlengende eń kóp múrájátlar miynet nızamshılıǵı hám ólim faktın tastıyıqlawǵa baylanıslı ekenligi anıqlandı.
Nızamlardıń durıs orınlanıwı boyınsha 17 úyreniwler ótkerilip, 2108 nızam buzıwshılıq jaǵdayları anıqlandı.
Usı anıqlanǵan nızambuzıwshılıq boyınsha bólim tárepinen 39 mákeme hám kárxanalarǵa nızam hújjetleriniń buzılıwı, olardıń sebepleri hám buǵan alıp keliwshi shárt-shárayatlardı saplastırıw haqqında usınıslar kiritilip, solardan 12 mákeme hám kárxana basshıları hámde xızmetkerlerine hákimshilik járiyma, 8 mákeme hám kárxana xızmetkerlerine intizamiy sharalar qollanıldı, mámleketlik organlardıń 2 buyrıqları biykar etildi, 253 buyrıqlarına ózgerisler kirgizilip muwapıqlastırıldı hám de 1 mákeme hám kárxanalarga nızam buzıwshılıqqa jol qoymaw haqqında, eskertiwler berildi sonday-aq, kiritilgen usınıslarǵa tiykar 644 153 114 swm puqaralardıń miynet is haqıları tólep berildi.
Huqıqıy ekspertiza tarawında: ádillik bólimi tárepinen rayon hákimliginiń hám de xalıq deputatları keńesiniń 5 qarar joybarları huqıqıy ekspertizadan ótkerildi.
Huqıqıy úgit-násiyat hám aǵartıwshılıq tarawında: bólimde jańadan qabıl etilgen nızamlar hám qararlardıń mazmun-mánisin hám áhmiyetin xalıqqa túsindiriw, xalıqtı huqıqıy málimleme menen támiyinlew, puqaralardıń huqıqıy sanası hám mádeniyatın asırıwda ayrıqsha itibar qaratılǵan. 2024-jıl dawamında ádillik bólimi tárepinen bir qatar úgit-násiyat jumısları alıp barıldı.
Atap aytqanda, bólim tárepinen 2024 jıl dawamında 1071 huqıqıy úgit-násiyat jumısları alıp barıldı. Ǵalaba xabar qurallarında 272 márte, sonnan televideniye arqalı-15, radioda-100, gazeta hám jurnallarda-22, veb-saytlarda 135, awızeki túrde-799, jazba hám kórgizbeli 21 márte úgit-násiyat ilájları ámelge asırıldı.
Moynaq rayonı ádillik
bólimi baslıǵı R.Annarazov