Янгиликлар
23
Taxtakópir rayonı ádillik bólimi Yuridikalıq xızmet kórsetiw orayı tárepinen 2024-jılda ámelge asırılǵan jumısları haqqında
Taxtakópir rayonı ádillik bólimi Yuridikalıq xızmet kórsetiw orayı Ózbekstan Respublikası Prezidentiniń «Mámleketlik uyımları ham shόlkemlerine yuridikalıq xızmet kόrsetiw jumısların elede jetilistiriw ilajları haqqında»ǵı 2021-jıl 29-iyun kúngi PQ-5168-sanlı hám Ózbekstan Respublikası Prezidentiniń «Yuridikalıq xizmet kórsetiw orayları iskerligin jáne de keńeytiw boyınsha qosımsha ilajlar haqqında»ǵı 2022-jıl 18-mart kúngi PQ-173-sanlı Qararına tiykarlanıp, mámleketimizde mámleketlik mákemeleri hám shόlkemleri jumısları, ásirese orta hám tόmendegi buwındı huquqıy jaqtan támiyinlew hámde olarǵa sapalı hám professional yuridikalıq xızmet kόrsetiwge qaratılǵan reformalar basqıshpa-basqısh ámelge asırılmaqta.
Taxtakópir rayonı ádillik bólimi Yuridikalıq xızmet kórsetiw orayı 58 mámleketlik mákeme hám shólkemlerge yuridikalıq xızmet kόrsetip kelmekte. 2024-jıl dawamında 21667 hújjet huqıqıy ekspertizadan ótkeriliw ushın (E-huquqshunos) elektron sistema arqalı kelip túsken bolıp, sonnan 21631 hújjetlerge nızamǵa muwapıqlılıǵı boyınsha juwmaqlar berildi, 36 hújjet nızam talaplarına muwapıq kelmesligi sebepli qaytarıldı.
Bulardan, jeke táritiptegi 8031, miynet dem alısı boyınsha 4264, xızmet saparı haqqında 275, ulıwma máselelerge baylanıslı 2286 buyrıqlarǵa, 2436 miynet shártnamaları hámde 4339 xojalıq shártnamaları joybarlarına nızamǵa muwapıqlılıǵı boyınsha juwmaqlar berildi, usınıń menen birge, qarızdarlıqtı óndiriw boyınsha sudqa shekem sheshiw ushın kirgizilgen jámi 636374690 swmlıq 12 talapnama, mákemeniń mápin kózlep, jámi 25784675 swmlıq 4 dawa arzalar joybarları tayarlap berildi.
Sonday-aq, jeke táritiptegi 12, dem alısqa baylanıslı 9 buyrıqlarǵa, 15 xojalıq shártnamasına, jámi 36 hújjet joybarlarına nızam talaplarına muwapıq kelmesligi sebepli (rad etildi) qaytarıldı, bunnan tısqarı oray xızmetkerleri tárepinen 2024-jıl dawamında jámi 225 úgit-násiyat ilájları ótkerilgen bolıp, sonnan 180 awızeki huqıqıy úgit-násiyat ilájları, ǵalaba xabar quralları arqalı (televideniye, radio, gazeta) 22 shıǵıwlar ámelge asırıldı, veb sayt arqalı 23 maqalalar shıǵarıldı.
Taxtakópir rayonı ádillik bólimi
Yuridikalıq xızmet kórsetiw
orayı baslıǵı A.Allaniyazov