Янгиликлар
23
Moynaq rayonı ádillik bólimi Yuridikalıq xızmet kórsetiw orayı tárepinen 2024-jılda ámelge asırılǵan jumısları haqqında.
Ózbekstan Respublikası Prezidentiniń «Mámleketlik uyımları hám mákemelerine yuridikalıq xızmet kórsetiwdi jánede jetilistiriw ilájları haqqında»ǵı 2021-jıl 29-iyun kúngi PQ-5168-sanlı Qararına muwapıq 2021-jıl 1-oktyabr kúninen baslap Moynaq rayonı yuridikalıq xızmet kórsetiw orayı shólkemlestirilgen edi.
Moynaq rayonı ádillik bólimi Yuridikalıq xızmet kórsetiw orayı 2024-jıl dawamında mámleketlik uyımlarına sapalı hám qániygeli yuridikalıq járdem kórsetiw;
mámleketlik uyımlardıń xızmetkerleriniń huqıqıy sawatlılıǵın hám huqıqıy mádeniyatın asırıw;
mámleketlik uyımlardıń múlkiy hámde basqa huqıqları hám nızamlı máplerin óz waqtında, hár tárepleme hám sapalı qorǵawdı támiyinlew;
mámleketlik uyımlar tárepinen qabıl etilip atırǵan hújjetlerdiń nızamlı hámde hár tárepleme puxta bolıwın támiyinlew maqsetinde bir qansha jumıslardı ámelge asırdı.
Moynaq rayonı ádillik bólimi Yuridikalıq xızmet kórsetiw orayı tárepinen mámleketlik uyımlarına yuridikalıq xızmet kórsetiw «E-huquqshunos» elektron sisteması arqalı ámelge asırıldı. Yuridikalıq xizmet kórsetiletuǵın mámleketlik uyımlar hám mákemelerden kelip túsken yuridikalıq hújjetler Yuridikalıq xızmet kórsetiw orayı tárepinen úsh jumıs kúninde kórip shıǵılıp yuridikalıq juwmaqlar beriledi.
Yuridik xızmet kórsetiletuǵın mákemeler tárepinen Yuridikalıq xızmet kórsetiw orayı menen kelisilmegen halda qabıl etilgen hár qanday buyrıqlar, biylikler, shártnamalar hám basqa yuridikalıq túrdegi hújjetler haqıyqıy emes dep tabıw ushın tiykar esaplanadı.
Moynaq rayonı ádillik bólimi Yuridikalıq xızmet kórsetiw orayı házirgi kunde joqarıdaǵı Prezident Qararına tiykar 58 mámleketlik uyımlar hám mákemelerge yuridikalıq xızmet kórsetip kelmekte.
2024-jıl dawamında xızmet kórsetiwshi mákemelerden Yuridikalıq xızmet kórsetiw orayına 10 785 buyrıq hám shártnama kelip tústi. Jıl dawamında sudqa shekem sheshiw maqsetinde 26 talapnama hám ekonomikalıq sudqa 4 dawa arza kiritilip sud tárepinen tolıq qanaatlandırıldı.
Moynaq rayonı ádillik bólimi Yuridikalıq xızmet kórsetiw orayı xızmetkerleri tárepinen 2023-jıldan usı kúnge shekem mámleketlik uyımlardıń xızmetkerleriniń huqıqıy sawatlılıǵın hám huqıqıy mádeniyatın asırıw maqsetinde 288 awızeki, 86 ǵalaba xabar qurallarınan hámde 56 zamanogóy málimleme texnologiyaları arqalı jámi 430 huqıqıy úgit-násiyat ilájları ámelge asırıldı.
Moynaq rayonı ádillik bólimi Yuridikalıq xızmet kórsetiw orayı mámleketlik uyımlar tárepinen qabıl etilip atırǵan hújjetlerdiń nızamlı bolıwın támiyinlew hám de xalqımızdıń huqıqıy sawatlılıǵın turaqlı túrde asırıp barıw boyınsha óz jumısların dawam ettiredi.
Moynaq rayonı ádillik bólimi
Yuridikalıq xızmet kórsetiw
orayı baslıǵı M.Koluzanov