Янгиликлар
21
Qaraózek rayonı ádillik bólimi Mámleketlik xızmetler orayı tárepinen 2024-jıl dawamında islengen jumıslar
Qaraózek rayonı ádillik bólimi Mámleketlik xızmetler orayınıń zamanagóy imáratında búgingi kúnde xalıqqa bir waqıttıń ózinde 200 den aslam mámleketlik xızmetler kórsetilip kelinbekte. Orayda elektron náwbet alıw sisteması, qabıllaw aynası, kútiw zonası, ıqshamǵana kitapxana, balalar maydanshası, kassa xızmeti shólkemlestirilgen.
Qaraózek rayonı ádillik bólimi Mámleketlik xızmetler orayı tárepinen 2024-jıl
dawamında 29874 (sonnan internet arqalı 4128) mámleketlik xızmetler kórsetilgen bolsa, sonnan 2716 mámleketlik xızmetler rayon orayınan alıs aymaqlarǵa barǵan halda kóshpeli tárizde kórsetildi.
Sonıń menen birge oray tárepinen 50 (sonnan internet arqalı 15) yuridikalıq shaxs bolǵan isbilermenlik subyekti mámleketlik dizimge alınǵan bolsa, 589 jeke tártiptegi isbilermenlik subyekti sıpatına mámleketlik dizimge alındı.
Sonıń menen bir qatarda 110 yuridikalıq hám 63 fizikalıq shaxs bolǵan isbilermenlik subyektleri qayta mámleketlik dizimnen ótkerildi.
Mámleketlik xızmetler orayı xızmetkerleri tárepinen mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hámde puqaralarǵa jaratılıp atırǵan qolaylıqlar, jeńillikler boyınsha keń túsindiriw maqsetinde ǵalaba xabar qurallarında (televideniye 3, radio 8, gazeta 3, sociallıq tarmaqlar 8) maqalalar jarıtıp barıw jolǵa qoyılǵan.
Sonıń menen birge, salamat turmıs tárizin qáliplestiriw hám ǵalabalıq sporttı jánede rawajlandırıw boyınsha Ádillik ministriniń tikkeley basshılıǵında shólkemlestirilip kelinetuǵın sport jarıslarında sporttıń bir qansha túrleri boyınsha oray xızmetkerleri belsene qatnasıp sıylı orınlardı iyelep kelmekte.
Qaraózek rayonı ádillik bólimi
Mámleketlik xızmetler orayı
direktorı w.w.a A.Dosımbetov