Янгиликлар
21
Nókis rayonı ádillik bólimi Mámleketlik xızmetler orayı tárepinen 2024-jıl dawamında ámelge asırılǵan jumıslar boyınsha
Nókis rayonı ádillik bólimi Mámleketlik xızmetler orayı tárepinen 2024-jıl dawamında fizikalıq hám yuridikalıq shaxslarǵa jámi 21334 mámleketlik xızmetler kórsetilgen bolıp, sonnan 19891 fizikalıq shaxslarǵa, 1443 yuridikalıq shaxslarǵa mámleketlik xızmetler kórsetildi. Bunnan tısqarı birden-bir interaktiv mámleketlik xızmetler portalı my.gov.uz saytı arqalı xalqımız tárepinen 7199 mámleketlik xızmetlerden paydalanılǵan. Bul xızmetlerdi oray arqalı kórsetilgen xızmetlerge salıstırǵanda 33.7% puqaralar internet tarmaǵı arqalı mámleketlik xızmetlerden paydanǵan. Sonday aq, oray tarepinen rayon aymaǵında jaylasqan MPJ, APJ aymaqlarına shıqqan halda 1864 kóshpeli mámleketlik xızmetler hámde 241 isbilermenlik subyektleri kóshpeli tártipte mámleketlik dizimnen ótkerildi.
Búgingi kúnde mámleketlik xızmetler orayında shtat kestesi boyınsha jámi 4 xızmetker jumıs alıp barmaqta. Bul xızmetkerler tárepinen 2024-jıl dawamında jámi 21334 mámleketlik xızmetler kórsetilip, rayonnıń xalıq sanı 54 956 bolıp, bul kórsetilgen xızmetler xalıq sanınıń 38,8 % (payız)na tuwra keledi hámde hár bir islewshi xızmetker tárepinen ortasha fizikalıq hám yuridikalıq shaxslarǵa 5333 ten aslam mámleketlik xızmetler kórsetilgen.
Nókis rayonı ádillik bólimi Mámleketlik xızmetler orayı tárepinen 2024-jıl dawamında yuridikalıq subyekt sıpatında jańadan jámi 110 mámleketlik dizimnen ótken bolıp sonnan 44 internet tarmaǵı arqalı new.birdarcha.uz saytınan mámleketlik dizimnen ótken, al fizikalıq tárep sıpatında jańadan jámi 1223 jeke tártiptegi isbilermenler mámleketlik dizimnen ótken bolıp sonan 148 internet tarmaǵı arqalı new.birdarcha.uz saytınan mámleketlik dizimnen ótken.
Isbilermenlik subyektlerin qayta dizimnen ótkeriwde jami 218 (sonnan 74 internet arqalı) yuridikalıq subyektler qayta mámleketlik dizimnen ótken, al fizikalıq tárep sıpatında jámi 186 (sonnan 21 internet arqalı) jeke tártiptegi isbilermenler qayta mámleketlik dizimnen ótken.
Nókis roayonı ádillik bólimi Mámleketlik xızmetler orayında 2024-jıl dawamında Ózbekstan Respublikası Ministrler Kabinetiniń 2019-jıl 21-avgust kúngi 704-sanlı qararına hám tiykar óz arzalarına tiykar ıqtıyarıy ráwishte 100 yuridikalıq subyekt 107 jeke tártiptegi isbilermenler saplastırıldı. Sonday-aq, 29 yuridikalıq subyekt sud uyǵarıwına tiykar bankrot dep tabılıp hámde 6 yuridikalıq subyekt basqa yuridikalıq subyektke qosılıp ketip saplastırıldı.
Sonıń menen birge óz jumısların waqtınsha toqtatqan 400 jeke isbilermen hám 19 jeke isbilermen óz jumısın qayta dawam ettirdi.
Sonıń menen bir qatarda kórsetilip atırılǵan mámleketlik xızmetlerge wákillikli organlar tárepinen sebepsiz biykar etiw boyınsha (otkaz) juwapları, múddeti buzılǵan hámde tiykarsız bas tartıw jaǵdayları boyınsha mánzilli tárizde analizlep barılıp, bul boyınsha 2024-jıl dawamında Qaraqalpaqstan Respublikası Ádillik Ministrligine sistema arqalı jámi 286 arnawlı xabarnamalar berildi, sonnan 78 múrájat tiykarsız qaytarılǵan, 195 múrájattıń múddeti buzılǵan hámde 13 múrájat basqa hár túrli sebeplerge baylanıslı qaytarılǵanlıǵı anıqlandı.
Nókis rayonı ádillik bólimi
Mámleketlik xızmetler orayı
direktorı B.Auezov