Янгиликлар
21
Mayıplıǵı bolǵan puqaralarǵa mámleketlik xızmetler tarawındaǵı kepillikler
Hár bir mámleket rawajlanıp barar eken barlıq tarawlarda tereń reformalar ótkerilip, xalıqtıń jasaw tárizin jaqsılaw hám bul jolda jańa nızamlardı qabıl etiw zaman talabı esaplanadı.
Sońǵı jıllarda xalıqqa mámleket xızmetlerin kórsetiw sisteması jańalanıp, mayıplıǵı bolǵan shaxslarǵa mámleketlik xızmetlerin kórsetiw ortalıǵın túpten jaqsılaw, artıqsha byurokratiyalıq tosıqlardı saplastırıw boyınsha izbe-iz ilajlar ámelge asırılıp atır. Atap aytqanda Ózbekstan Respublikası Prezidentiniń 2021-jıl 24-iyul kúngi PP-6269-sanlı "Mámleket xızmetlerin kórsetiw infradúzilmesin jetilistiriw hám xalıqtıń mámleket xızmetlerinen paydalanıw imkaniyatların keńeytiw ilajları haqqında"ǵı hám 2022-jıl 21-apirel kúngi PP-113-sanlı "Mámleket xızmetlerin kórsetiwdi ápiwayılastırıw, byurokratiyalıq tosıqlardı qısqartıw hám de mámleket xızmetlerin kórsetiw milliy sistemasın rawajlandırıwdıń qosımsha ilajları haqqında"ǵı Pármanları qabıl etildi.
Usı Párman menen 2021-jıl 1-noyabrden “Sociallıq qorǵaw birden-bir reestri” málimleme sistemasında dizimge alınǵan shaxslarǵa, sonday-aq, I hám II topar mayıplıǵı bolǵan shaxslarǵa mámleketlik xızmetler orayları yamasa Birden-bir interaktiv mámleketlık xızmetler portalı arqalı mámleketlik xızmetler kórsetiwde nızam hújjetlerinde belgilengen mámleketlik bajıları, jıyımlar hám basqa hár qanday tólemler boyınsha 50 payız muǵdarında shegirme qollanılıwı belgilendi.
Ózbekstan Respublikası Prezidentiniń 2023-jıl 27-fevraldaǵı “Mayıplıǵı bolǵan shaxslardı qollap-quwatlaw sistemasın jetilistiriwge tiyisli qosımsha ilajlar haqqında"ǵı 74-sanlı Qararǵa tiykar I hám II gruppa mayıplıǵı bolǵan shaxslar, mayıplıǵı bolǵan balalar hám olarǵa ǵamxorlıq etiwshi (jolda gúzetip barıwshı) bir puqara ushın mámleketlik mákemeler hám shólkemleri tárepinen, sonday-aq mámleket xızmetler orayları, den sawlıqtı saqlaw, tálim, mádeniyat mákemelerinde puqaralardıń tikkeley ornında (jayında) kórsetiletuǵın xızmetlerden gezeksiz paydalanıw, mámleketlik mákemeleri basshıları (lawazımlı shaxsları) qabıllawlarına gezeksiz qabıl etiw boyınsha jeńillikler berildi.
Sonday-aq, mayıplılıǵı bolǵan shaxstıń hám quramında mayıplılıǵı bolǵan aǵzası bar shańaraqtıń elektron onlayn-aukcion arqalı jer uchastkasın satıp alıw menen baylanıslı qárejetlerin qaplap beriw, oqıw, jasaw hám transport qárejetlerin qaplaw, ásbap-úskeneler hám miynet quralların satıp alıw ushın subsidiya ajıratıw sıyaqlı mámleketlik xızmetleri jolǵa qoyıldı.
Juwmaqlastırıp aytqanda, qabıl etilip atırǵan qaǵıydalar, eń áwele insan huqıq hám erkinlikleri, olardıń máplerin qorǵaw, olarǵa múnasip jasaw shárayatın támiyinlew bolıp esaplanadı.
Qaraózek rayonı ádillik bólimi
Yuridikalıq xızmet kórsetiw orayı
bas yuriskonsultı T.Tleubaev.