Янгиликлар
16
Shomanay rayonı ádillik bólimi yuridikalıq xızmet kórsetiw orayınıń 2024-jıl dawamında ámelge asırılǵan iskerligi boyınsha MAǴLÍWMAT
Shomanay rayonı ádillik bólimi yuridikalıq xızmet kórsetiw orayınıń
2024-jıl dawamında ámelge asırılǵan iskerligi boyınsha
MAǴLÍWMAT
Ózbekstan Respublikası Prezidentiniń 2021-jıl 29-iyun kúngi “Mámleketlik uyım hám shólkemlerge yuridikalıq xızmet kórsetiw iskerligin jáne de jetilistiriw
is-ilajları haqqında”ǵı PQ-5168-sanlı qararına muwapıq, Shomanay rayonı ádillik bólimi yuridikalıq xızmet kórsetiw orayı tárepinen 2021-jıl 1-oktyabr sánesinen baslap 12 mámleketlik uyım hám shólkemlerge yuridikalıq xızmet kórsetip kelmekte. 2024-jıl dawamında bir qansha unamlı jumıslar ámelge asırılıp, mámleketlik uyım hám shólkemlerden jámi 25058 dana normativ kúshke iye hújjet, yaǵnıy 17489 dana buyrıqlar, 7569 dana puqaralıq hám miynet shártnamaları joybarları kelip tústi. Sonnan 17459 dana buyrıq hám 7561 dana puqaralıq hám miynet shártnamaları joybarlarına nızam hújjetler muwapıqlı dep tabılıp, juwmaqlar berildi, 30 dana buyrıq hám 8 dana puqaralıq hám miynet shártnamaları, jámi 38 dana hújjet joybarlarına ámeldegi nızam hújjetlerge muwapıq bolmaǵanlıǵı sebepli qaytarıldı.
Bunıń ayqın mısalı retinde, orayǵa kelip túsken buyrıqlar tolıqtırılmaǵanlıǵı hám qosımsha hújjetler biriktirilmegenligi hám de shártnamalarda shártnamanıń bándlerindegi shártleri tolıqtırılmaǵanlıǵı hám qosımsha hujjetler biriktirilmegenligi sebepli qaytarılǵanlıǵı menen sıpatlanadı.
Ózbekstan Respublikası Prezidentiniń 2022-jıl 18-mart kúngi “Yuridik xızmet kórsetiw orayları iskerligin jáne de keńeytiw boyınsha qosımsha is-ilajlar haqqında”ǵı PQ-173-sanlı qararına muwapıq 2022-jıl 1-avgust sánesinen baslap yuridikalıq xızmet kórsetiw orayları máhálle hám nuranıylardı qollap quwatlaw bólimi, shańaraq hám hayal-qızlar bólimi, bántlik bólimi, mámleketlik salıq inspeksiyası, awıl xojalıq bólimi, ulıwma bilim beriw mektepleri, mektepke shekemgi bilimlendiriw shólkemleri hám de kóp tarmaqlı oraylıq hám shańaraq poliklinikalarına yuridikalıq xızmet kórsetiwin basladı.
Sonıń menen birge, Sudqa shekemgi sheshiliwi júzesinen tiyisli mákemeler menen shártnama dúziwshi kárxanalarǵa 105.825.936 swmlıq 27 dana talapnama kiritilip tiyisligi boyınsha kórip shıǵıldı hám de sudqa 49.431.367 sumlıq 10 dana dawa arzalar kiritilip tolıǵı menen qanaatlandırıldı.
Nızamshılıqtaǵı ózgerisler boyınsha 2024-jıl dawamında jámi 8 dana usınıslar kiritildi.
Sonday aq, qabıl qılınıp atırǵan nızam hujjetleriniń mazmun hám áhmiyetin xalıqqa jetkiziw, halıqtın huqıqıy mádeniy sawatqanlıǵın asırıw maqsetinde jámi 443 huqıqıy úgit-násiyat is-ilajları ótkerildi.
Usılardan, 220 awızeki, 62 ǵalaba xabar quralları arqalı hám 161 zamanagóy málimleeme kommunikaciya texnologiyaları arqalı jarıtıp barıldı.
Sonıń menen birge, shólkemlerde, máhállelerde puqaralar menen ushırasıwlar shólkemlestirilip, puqaralarǵa biypul huqıqıy másláhátler berildi hám sociallıq tarmaqlarda materiallar tayarlanıp keńnen jarıtıp barıldı.
Shomanay rayonı ádillik bólimi
yuridikalıq xızmet kórsetiw orayı baslıǵı
Utemuratov Baxıt Jiengaliyevich