Янгиликлар
15
Taqıyatas rayonı ádillik bólimi Mámleketlik xızmetler orayı tárepinen 2024-jıldıń 12 ayı dawamında ámelge asırılǵan jumısları haqqında
Taqıyatas rayonı ádillik bólimi Mámleketlik xızmetler orayı tárepinen 2024-jıldıń 12 ayı dawamında ámelge asırılǵan jumısları haqqında
Taqıyatas rayonı Mámleketlik xızmetler orayı tárepinen 2024-jıl dawamında jámi 789 isbilermenlik subyektleri mámleketlik dizimnen ótkerildi. usınnan 75 (sonnan internet arqalı 5) yuridikalıq shaxs hám 714 jeke tártiptegi isbilermenlik subyektleri mámleketlik dizimnen ótkerildi.
Isbilermenlik subyektlerin qayta dizimnen ótkeriwde 2024-jıldıń 12 ayı dawamında jámi 354 isbilermenlik subyektleri qayta dizimnen ótkerilip, usınnan 120 yuridikalıq shaxs, 234 jeke tártiptegi isbilermenler quraydı.
Búgingi kúnde orayda jámi shtat boyınsha 6 xızmetker jumıs alıp barmaqta. Bul xızmetkerler tárepinen 2024-jıldıń 12 ayı dawamında jámi 36 480 mámleketlik xızmetler kórsetilip, rayonnıń xalıq sanı 76 000 dı quraydı, bul kórsetilgen xızmetler xalıq sanınıń 48 payızǵa tuwra keledi hám de hár bir islewshi ortasha fizikalıq hám yuridikalıq shaxslarǵa 6 080 nen aslam mámleketlik xızmetler kórsetti. Rayon orayınan alıs aymaqlarǵa shıǵıw arqalı puqaralardıń waqıtların tejew hám de olardıń uzaǵın jaqın qılıw, sonıń menen birge imkániyatı sheklengen puqaralarǵa qolaylıqlar jaratıw, puqaralarımızǵa tarawımızǵa tiyisli bolǵan normativ-huqıqıy hújjetlerdiń
mazmun-mánisin túsindiriw maqsetinde olardıń jasap turǵan orınlarına barǵan halda 2024-jıl dawamında 3 152 kóshpeli mámleketlik xızmetler kórsetildi.
Sonday-aq, Mámleketlik xızmetler orayı xızmetkerleri tárepinen 2024-jıl dawamında huqıqıy úgit-násiyatlardı ámelge asırıw boyınsha Rejege tiykar, oray xızmetkerleri tárepinen óz waqtında mámleketlik xızmetler kórsetiw tarawına baylanıslı tastıyıqlanǵan normativ-huqıqıy hújjetler hám de puqaralarǵa jaratılıp atırǵan qolaylıqlar, jeńillikler boyınsha keń túsindiriw maqsetinde ǵalaba xabar quralları, televidenie, radio, sonday-aq sociyallıq tarmaqlarda jarıtıp barıldı.
Atap aytqanda oray xızmetkerleri tárepinen jámi 38 ǵalaba xabar quralları arqalı járiyalandı, usınnan 10 televidenie, 10 veb-sayt, 4 gazeta, 14 radio arqalı shıǵıwlar bolıp, maqalalar berildi.
“MXO-máhálle-puqara” principi tiykarında puqaralardıń elektron mámleketlik xızmetlerden paydalanıw kónlikpelerin asırıw maqsetinde orınlarda “sheberlik sabaq”ların shólkemlestiriw boyınsha rayondaǵı oqıwshı jaslar hám jámlespegen jaslarǵa oray xızmetkerleri tárepinen 28 den aslam oqıw seminarlar hám de ushırasıw kesheleri, usınnan 3 márte dóńgelek stol átirapında, hám de úyme-úy barıp 203 dan aslam huqıqıy úgit násiyat jumısları alıp barıldı. Sonıń menen birge aytıp ótiw orınlı bul alıp barılǵan huqıqıy úgit násiyat jumısları tiykarınan bilimlendiriw orınlarında 15 márte, miynet jámáátinde 23 márte, máhállelerde 40 márte úgit-násiyat jumısları alıp barıldı. Bul huqıqıy úgit-násiyat jumıslarına 950 qatnasıwshı menen támiyinlenip, bul qatnasıwshılarǵa 16 túrdegi bukletlerden 1 400 bukletler tarqatıldı.
Taqıyatas rayonı ádillik bólimi
Mámleketlik xızmetler orayı
direktorı Djumabaev Zayırbay Erkinbaevich