Янгиликлар
13
Kegeyli rayonı ádillik bólimi tárepinen 2024-jıl dawamında ámelge asırılǵan jumıslar haqqında
Sońǵı jıllarda ámelge asırılıp atırǵan reformalardı huqıqıy tárepten támiyinlew, puqaralar hám isbilermenlik subyektleriniń huqıq hám máplerine tiyisli bolǵan nızamshılıq hújjetleriniń mazmun-mánisin túsindiriw, orınlarda xalıqtı qıynap kiyatırǵan huqıqıy mashqalalarǵa sheshim qabıllaw, mámleketlik xızmetlerdiń sapasın asırıw, óz iskerligi boyınsha jámiyetke sistemalı ráwishte maǵlıwmatlar usınıw máselelerinde ádillik uyımlarınıń roli hám juwapkershiligi sezilerli dárejede aspaqta.
Usıǵan tiykar, Kegeyli rayonı ádillik bólimi tárepinen 2024-jıl dawamında bir qatar jumıslar ámelge asırıldı.
Tiykarınan, rayon hákimligi hám xalıq deputatları Keńesiniń normativ-huqıqıy xarakterge iye qarar joybarları nızamshılıqqa, xalıq aralıq shártnama normalarına, mámleketimizde ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵı, olardı korrupciyaǵa, basqa huqıqbuzarlıqlar ámelge asırıwına sharayat jaratıp beretuǵın, sonday-aq, fizikalıq hám yuridikalıq shaxslar ushın artıqsha hákimshilik hám basqa sheklewlerdi keltirip shıǵaratuǵın qaǵıyda hám normalardı anıqlaw hámde huqıqıy ekspertizadan ótkeriw boyınsha bólim tárepinen rayon hákimligine xat berilgen hámde hákim sheshimleri, xalıq deputatları Keńesiniń sessiya qararları turaqlı túrde úyrenip barılmaqta.
Huqıqıy úgit-násiyat tarawı boyınsha, bólim tárepinen usı kúnge shekem jámi 1918 huqıqıy úgit-násiyat jumısları alıp barılǵan bolıp, sonnan awızeki úgit-násiyat ilájları sanı 1470 ti quraytuǵın bolsa, 235 veb saytlarda, gazetada shıǵıwlar sanı 22 ni, radioda shıǵıwlar sanı 31 hámde televideniyede shıǵıwlar sanı 35 di quraydı.
Huqıqıy ekspertiza hám yuridikalıq xızmet tarawı boyınsha, búgingi kúnde rayon hákimliginde 1 yuridikalıq xızmet shtat birligi hám ádillik bólimine qaraslı
2 yuridikalıq oray xızmetkerleri shtat birlikleri bar bolıp, házirde bul shtat birlikleri tolıq qánigeler menen qamtılǵan.
Búgingi kúnde rayon hákimligi tárepinen “E-qaror” elektron sisteması arqalı jámi 2172 hújjetler qabıl etilgen bolıp, sonnan 1262 dana hákim qararı, 421 dana biyligi hámde 489 dana Keńes qararı qabıl etilgen.
Bunnan tısqarı 2024-jıldıń ótken 12 ayı dawamında bólimge huqıqıy ekspertizadan ótkeriw ushın normativ túske iye bolǵan jámi 12 qarar joybarı kelip túsken bolıp, usı
12 qarar joybarı yaǵnıy 2 dana Kegeyli rayonı hákimi qararı hám 10 dana deputatlar Keńesiniń qarar joybarlarına bólim tárepinen nızam talaplarına muwapıq juwmaqlar berildi.
Ózbekstan Respublikası Ministrler Kabinetiniń 2021-jıl 22-iyundaǵı 390-sanlı qararına tiykar “E-qaror” elektron sisteması respublikanıń barlıq dárejedegi jergilikli hákimiyatı uyımları iskerligine engizilib, qabıl qılınıp atırǵan qarar hám biyliklerdiń monitoringini júrgiziw ádillik uyımları organlarına júkletilgen.
Ótkerilip kiyatırǵan turaqlı monitoring dawaminda Xalq deputatları Kegeyli rayonı Keńesiniń 2024-jıl 25-apreldegı “Kegeyli rayonı xalqın hámde sociallıq taraw obyektleri hám ekonimika tarawların 2024-jılda energiya resursları menen turaqlı támiyinlew ilajları haqqında”ǵı VI-89-47-13-184-K/24-sanlı qarardıń 2-bántiniń 6-qosımshasında 81 isbilermenlik subyektlerine quyash foto panellerin hám geliokollektorın ornatıw, 9-qosımshasınıń 4-bántiniń 2-xatbasında isbilermenlik subektlerinde bir birlik ónim ushın janılǵı-energiya resursların sarıplaw standartların májbúriy túrde shólkemlestiriw (joriy etish), 10-qosımshasında isbilermenlik subyektlerge elektr energiyasınan paydalanıw processinde júzege kelip atırǵan reaktiv energiyası paydalanıwın kemeyttiriw maqsetinde kondensator qurılmaların ornatıw boyınsha májbúriy xarakterga iye bolǵan is-ilájlar rejesi belgilep berilgenligi anıqlandi.
Anıqlanǵan jaǵdaylar boyınsha bólim tárepinen orınlanıwı májbúriy túske iye bolǵan “Usınıs” kiritilip, joqarıda kórsetilgen Ózbekstan Respublikası “Normativ-huqıqıy hújjetler haqqında”ǵı Nızamı hám Ózbekstan Respublikası “Isbilermenlik iskerligi erkinlikleriniń kepillikleri haqqında”ǵı Nızamı talaplarına muwapıqlastırıldı.
Insan huqıqların qorǵaw tarawı boyınsha bólimge 2024-jıl dawamında jámi 681 múrájat kelip túsken bolıp, sonnan 639 puqaranıń múrájatı qanaatlandırılǵan, 35 puqaranıń múrájatına huqıqıy túsinik berilgen, 5 múrájaat tiyisliligi boyınsha basqa uyımǵa jiberilgen bolsa, 1 puqaranıń múrájatı kórmesten qaldırıldı hámde 1 múrájaat kórip shıǵıwdan bas tartıldi.
Sonday-aq, bólim tárepinen sudlarǵa kiritilgen dawa arzalar sanı jámi 169 dı quraydı. Sonnan 149 dana dawa arzalar puqaralıq tártipte, 19 dana dawa arzalar hákimshilik tártipte 1 dana dawa arza ekonomikalıq tártipte kiritilgen bolıp, 157 dana dawa arzalardıń qanaatlandırılıwına erisilgen bolsa, 1 dana dawa arza kórmesten qaldırılǵan hámde 11 dana dawa arzalar sud óndirisinde qalmaqta.
Sonıń menen bir qatarda bólim tárepinen puqaralardıń esaplanǵan biraq tólenbey kiyatırǵan jámi 818.577.878 swmlıq aylıq is-haqıları ham oǵan teńlestirilgen tólemler sudqa dawa arza kiritiw jolı menen qanaatlandırılǵan bolsa, insan huqıqların qorǵawǵa qaratılǵan, orınlanıwı májbúriy túske iye bolǵan, jámi 40 dana usınıs shıǵarılǵan. Sonnan 1 dana usınıs óndiriste. Shıǵarılǵan usınıslarǵa tiykar 1.019.099.100 swm puqaralardıń esaplanǵan biraq tólenbey kiyatırǵan is-haqı hám oǵan teńlestirilgen tólemleri óndirilip berildi.
Rayon ádillik bólimine kelip túsken múrájatlar analiz etilgende eń kóp múrájatlar miynet nızamshılıǵı, pensiya hám sociallıq napaqalar, úy jay hám fakttı belgilew máselelerine baylanıslı ekenligi anıqlandı.
Bunnan tısqarı sociallıq-ekonomikalıq tarawda huqıqtı qollaw ámeliyatı tarawı boyınsha ótkerilgen jámi úyreniwler hám monitoringlar sanı
40 tı quraǵan bolsa, rayon aymaǵında jaylasqan mákeme hám shólkemlerde jami
736 nızam buzılıw jaǵdayları anıqlandı.
Anıqlanǵan nızam buzıwshılıqlardı saplastırıwǵa qaratılǵan tásir sharalar sanı jámi 249 dı quraǵan bolıp, sonnan 40 usınıs kiritilgen bolsa, hákimshilik juwapkershilikke tartıw boyınsha 31 usınıs hámde rayon aymaǵındaǵı mákeme hám shólkemlerge nızam hújjetleriniń buzılıwına jol qoymaw maqsetinde 9 eskertiwler shıǵarılǵan bolsa, sudlarǵa puqaralardıń mápin gózlep 169 dawa arzaları kiritildi.
Sonıń menen bir qatarda nızam buzılıw jaǵdaylarına jol qoyǵan
16 xızmetkerge “Sógis” hámde 2 xızmetkerge miynet shártnamasın biykar etiw menen baylanıslı intizamiy jaza sharası qollanıldı.
Norma dóretiwshiligi tarawında bólim tárepinen nızamshılıqqa ózgeris hám qosımshalar kiritiw boyınsha jami 12 dana usınıs kiritildi.
Yuridikalıq xızmet kórsetiw tarawı boyınsha:
Kegeyli rayonındaǵı 69 mámleketlik uyım hám shólkemlerge “E-huquqshunos” elektron sisteması arqalı yuridikalıq xızmetler kórsetip kelinbekte.
2024-jılda Orayǵa jámi 21 987 hújjet (12 001 (jeke quram, miynet dem alısları, xızmet saparları, ulıwma másele) buyrıq, 9 986 miynet, puqaralıq hám xojalıq shártnamaları) ler kelip túsken bolsa, sonnan 21 231 hújjetlerge nızamǵa muwapıqlıǵı boyınsha, 705 hújjetlerge nızamǵa muwapıq emesligi boyınsha huqıqıy juwmaqlar berildi.
Sonday-aq, kelip túsken 51 hújjetlerge kemshiliklerdi saplastırıw boyınsha huqıqıy juwmaqlar berildi.
Bunnan tısqarı 2 mámleketlik uyımnıń mápin gózlep sudlarǵa 68.203.130 sumlıq dawa arza, 96.949.904 sumlıq talapnamalar kiritilgen.
Nızamshılıqtaǵı jańalıqlar boyınsha 260 mártebe, sonnan 190 awızeki, 59 ǵalaba habar quralları, 201 zamanagóy málimleme-kommunikaciya texnologiyaları arqalı shıǵıwlar alıp barılǵan.
Mámleketlik xızmetler kórsetiw tarawı boyınsha
Kegeyli rayonı ádillik bólimi Mámleketlik xızmetler orayı tárepinen
2024-jıl dawamında puqaralar hám isbilermenlik subyektlerine jámi 43 087 mámleketlik xızmetler kórsetilgen.
Sonnan oray arqalı jeke 36 068, internet arqalı 7 019 xızmetler kórsetilip, alıs aymaqlarǵa shıqqan halda 3 010 kóshpeli mámleketlik xızmetler kórsetilgen.
Sonday-aq, oray tárepinen jıl dawamında 1 285 isbilermenlik sub’ektler mámleketlik dizimnen ótkerilip, sonnan 97 yuridikalıq shaxslardı, 1 188 jeke tártiptegi isbilermenlik subektlerdi quraydı.
Sonday-aq 291 isbilermenlik subektleri qayta mámleketlik dizimnen ótkerilip, 167 yuridikalıq shaxs, 124 jeke tártiptegi isbilermenlerdi quraydı.
Jámi 268 isbilermenlik sub’ektleri mámleketlik dizimnen shıǵarılǵan.
Oray tárepinen 2024-jıl dawamında fizikalıq hám yuridikalıq shaxslarǵa
4 469 elektron sanlı qol tańbalar alıp berilgen.
Ǵalaba-xabar quralları arqalı huquqıy úgit-násiyat jumısların alıp barıw boyınsha oray xızmetkerleri tárepinen 34 márte huquqıy úgit-násiyat jumısları ámelge asırılǵan. Atap aytqanda radioda 10 márte, gazetada
7 márte, televideniye 7 márte, veb-sayt hám basqada sociallıq tarmaqlarda 10 márte shıǵıwlardı ámelge asırǵan.
“Oray-máhálle-puqara” principi tiykarında oray máhálle hám shańaraqtı qollap-quwatlaw bólimi menen birgelikte máhállelerde jasawshı puqaralarǵa, rayonlıq Xalıq bilimlendiriw bólimi menen birgelikte ulıwma bilim beriw mektepleriniń joqarǵı klass oqıwshılarına hám Mektepke shekemgi bilimlendiriw bólimi menen birgelikte mektepke shekemgi bilim beriw mekemelerinde islewshi xızmetkerlerge “Elektron húkimet” hám Birden bir interaktiv mámleketlik xızmetleri portalınan paydalanıw tártibi hámde tarawǵa baylanıslı jańadan qabıl etilgen normativ-huquqıy hujjetler boyınsha oqıw-seminarları ótkerilip kelinbekte.
Puqaralıq halatların aktlestirip jazıw tarawı boyınsha:
Kegeyli rayonı adillik bólimi PHAJ bólimi tárepinen 2024-jıl dawamında puqaralarǵa 2005 huqıqıy xızmetler kórsetilgen bolıp, sonnan bólim tárepinen tuwılıw haqqında 1336 dana, neke haqqında 464 dana, nekeden ajırasqanlıq haqqında 70 dana, ólim haqqında 559 akt jazıwları dizimge alındı.
Bunnan tısqarı 153 dana tuwılıw haqqında akt jazıwlarına ózgeris, qosımsha hám dúzetiw kiritiw boyınsha, 6 dana familiyasın hám atın ózgertiw haqqında, 26 dana perzentlikke alıw haqqında, 33 dana nekeden ajırasıw haqqında akt jazıwına qosımsha kiritiw haqqında arzalarına tiykar ózgeris kiritildi.
Sonday-aq, Minsk konvensiyasına tiykar kelip túsken jami 66 sorawnamaǵa juwaplar berildi.
Kegeyli rayonı ádillik
bólimi baslıǵı N.Kalimbetov