Янгиликлар

Insan huqıqların qorǵaw boyınsha búgingi kúnde qabıl etilip atırǵan nızam hújjetleriniń mazmun-mánisi

Búgingi kúnde jurtımızda insan huqıqları, erkinlikleri hám nızamlı máplerin támiyinlew boyınsha oǵada áhmiyetli nızam hújjetleri qabıl etilmekte. Atap aytatuǵın bolsaq, Prezidentimizdiń 2024-jıl 10-iyundaǵı “Operativ-izlew hám de tergew iskerliginde shaxstıń huqıq hám erkinlikleri isenimli qorǵaw kepilliklerin jáne de kúsheytiw ilájları haqqında”ǵı 89-sanlı pármanına tiykar 2025-jıl         1 yanvardan Jınayat isleri boyınsha rayonlıq, qalalıq sudlarında tergew sudyası lawazımı engiziledi. Nızamshılıqqa kóre:
- jınayat isleri boyınsha sudqa shekemgi is júritiw dáwirinde processuallıq qararlarǵa sankciya beriw máselesi jınayat isleri boyınsha rayonlıq, qalalıq sudlarda ayrıqsha sudyalar — tergew sudyaları tárepinen kórip shıǵılıwı tártibi engiziledi;
- jınayat isleri boyınsha rayonlıq, qalalıq sudlarında tergew sudyası lawazımı kirgiziledi;
- jınayat isleri boyınsha sudqa shekemgi is júrgiziw dáwirinde tergew sudyası tárepinen processuallıq qararlarǵa berilgen sankciyalar tek ǵana apellyaciya instanciyasında Qaraqalpaqstan Respublikası sudı, wálayatlar hám Tashkent qalalıq sudları, Ózbekstan Respublikası Áskeriy sudı tárepinen jeke tártipte qayta kórip shıǵılıwı tártibi belgilendi;
- tergew sudyalarına hákimshilik huqıqbuzarlıqlar haqqındaǵı islerdi kórip shıǵıw wákilligi beriledi;
- tergew sudyaları tárepinen kórip shıǵılatuǵın hákimshilik huqıqbuzarlıq haqqındaǵı islerdi joqarı instanciyalarda qayta kórip shıǵıwdıń ámeldegi tártibi saqlap qalınadı.

Shımbay rayonı ádillik bólimi
Yuridikalıq xızmet kórsetiw
orayı bas yuriskonsultı      E.Yusupov