Янгиликлар
10
Ellikqal’a tuman adliya bo‘limi yuridik xizmat ko‘rsatish markazi tomonidan 2024 yilda bajarilgan ishlar to‘g‘risida ma’lumot
Ellikqal’a tuman adliya bo‘limi yuridik xizmat ko‘rsatish markazi tomonidan 2024 yilda bajarilgan ishlar to‘g‘risida ma’lumot
Barchamizga ma’lumki, O‘zbekiston Respublikasi Prezidentining 2021 yil 29 iyunda PQ-5168-son “Davlat organlari va tashkilotlariga yuridik xizmat ko‘rsatish faoliyatini yanada takomillashtirish chora-tadbirlari to‘g‘risida”gi qarori qabul qilindi.
Ushbu qarorning 3-ilovasida belgilangan Markaz tomonidan yuridik xizmat ko‘rsatilayotgan 120 ta davlat boshqaruvi darajasidagi tashkilotlar o‘rtasida o‘zaro integratsiya ishlarni tashkil etilgan holda “E-huquqshunos” elektron tizimi orqali to‘liq amaga oshirilib kelmoqda.
Vazirlik ko‘rsatmasiga asosan Markaz xodimlarining cheklangan sonidan kelib chiqqan holda 120 ta xizmat ko‘rsatiladigan tashkilotlar kesimida keladigan hujjat loyihalari xodimlarga elektron tizim orqali avtomat tarzda taqsimlanadi.
Shu bilan birga, Markaz xodimlari tomonidan xizmat ko‘rsatilayotgan tashkilotlarda “E-huquqshunos” elektron tizimiga biriktirilgan mas’ul xodimlar ishtirokida bir necha marata o‘quv-uslubiy seminarlar va metodik qo‘llanmalar orqali mashg‘ulotlari o‘tkazilishi ta’minlandi.
Mazkur qarorga muvofiq hisobot davrida Markaz tomonidan xizmat ko‘rsatilayotgan tashkilotlar faoliyatini huquqiy jihatdan ta’minlash, sifatli va malakali yuridik xizmat ko‘rsatish, xodimlarning huquqiy savodxonligini oshirish, shuningdek qabul qilinayotgan hujjat loyihalarining qonuniy va har tomonlama puxta va sifatli bo‘lishini ta’minlash maqsadida Ellikqal’a tuman yuridik xizmat ko‘rsatish markazi tomonidan bir qator ishlar amalga oshirildi.
Jumladan, 2024 yil 1-yanvardan Markazga xizmat ko‘rsatiladigan 120 davlat organlari va tashkilotlari tomonidan “E-huquqshunos” elektron tizimi orqali jami 61961 ta ichki idoraviy buyruqlar, mehnat shartnomalari va boshqada yuridik tusga ega hujjat loyihalari kelib tushgan.
Ushbu hujjat loyihalari Markaz xodimlari tomonidan qonunchilikka muvofiqligi yuzasidan belgilangan muddatlarda huquqiy ekspertizadan o‘tkazilishi ta’minlandi.
Xususan, o‘tkazilgan huquqiy ekspertiza natijalariga ko‘ra, Markaz tomonidan “E-huquqshunos” elektron tizimi orqali qabul qilingan 61961 ta yuridik tusga ega hujjat loyihalarining 81 tasi qonunchilikka nomuvofiq bo‘lganligi sababli salbiy xulosa, 61211 ta hujjat loyihalariga esa, ijobiy xulosalar berilgan va 669 ta rad qilingan. Shuni alohida ta’kidlab o‘tish kerakki, Markaz tomonidan berilgan 81 ta salbiy xulosalarning diyarli barchasi tashkilotlar tomonidan amaldagi mehnat qonunchiligi normalarini noto‘g‘ri qo‘llash bilan bog‘liq holda qabul qilingan hujjat loyihalari tashkil qiladi.
Markaz xodimlari tomonidan xizmat ko‘rsatilayotgan tashkilotlarga salbiy xulosalar berilgan har bir holat yuzasidan qonunchilikni to‘g‘ri qo‘llash hamda hujjat loyihalariga o‘zgartish va qo‘shimchalar kiritish haqida tashkilotlarga huquqiy tushuntirishlar va amaliy hamda uslubiy yordamlar berib borilmoqda.
Ta’kidlash joizki, “E-huquqshunos” elektron tizimi orqali tashkilotlar tomonidan Markazga kelib tushgan 61961 ta hujjat loyihalarining yuridik tuslari bo‘yicha tahlil qiladigan bo‘lsak.
Jumladan hujjat loyihalarining 30441-tasini ichki idoraviy buyruqlar, 31520-tasini mehnat shartnomalari va fuqaroviy va xo‘jalik shartnomalar tashkil qiladi.
Yuqorida qayd etib o‘tilganlardan tashqari, Markaz xodimlari tomonidan huquqiy targ‘ibot rejasi asosida yuridik xizmat ko‘rsatilayotgan tashkilotlar xodimlarining huquqiy madaniyati va huquqiy savodxonligini oshirish bo‘yicha 377 ta huquqiy targ‘ibot tadbirlari o‘tkazildi.
Shularning, 35 tasi ommaviy axborot vossitalarida, 27 tasi Qoraqalpog‘iston teleradio ko‘rsatuvi orqali, 5 tasi Ellikqal’a hokimlikning ijtimoiy tarmog‘ida ochilgan rasmiy kanali orqali, 218 tasi bevosita xizmat ko‘rsatilayotgan tashkilotlarga borgan holda og‘zaki ravishda targ‘ibot –tashviqat tadbirlar o‘tkazildi.
Shu bilan birga, joriy yilning hisobot davrida Markaz tomonidan xizmat ko‘rsatilayotgan tashkilotlarning mulkiy va boshqada manfaatlarini himoya qilish yuzasidan 33 ta talabnoma bildirish yohud sudlarga 8 ta da’vo ishlarini kiritish bilan 241 633 251 million sum tashkilot foydasiga undirilb beerildi.
Ellikqal’a tumani adliya bo‘limi
yuridik xizmat ko‘rsatish markazi boshlig‘i A.Kadirov