Янгиликлар
27
BASÍM HÁM ZORLÍQTAN JÁBIRLENGENLERGE SOCIALLÍQ XÍZMETLER KÓSETIW JEDELLESTIRILMEKTE
Bárshemizge bilgili, elimizde alıp barılıp atırılǵan ekonomikalıq reformalar qatarında insan máplerin qorǵaw da ayrıqsha áhmiyetke iye bolıp atır.
Ásirese, bul baǵdarda jámiyetimizde gender teńlik principiniń keń engiziw boyınsha mámleketimiz nızamshılıǵına ózgeris hám qosımshalar kiritiw menen bir qatarda, jańa Nızam hám Húkimet qararları qabıl etilgen.
Sonday-aq, basım hám zorlıqtan jábirlengen shaxslarǵa sociallıq xızmetler kórsetiwdi jetilistiriw boyınsha qosımsha ilajlar haqqında”ǵı Ózbekstan Respublikası Prezidentiniń PQ-175-san Qararı qabıl etildi. Qararǵa kóre, basım hám zorlıqtan jábirlengen shaxslarǵa “shańaraq - máhelle - rayon hám aymaq” principi tiykarında kompleksli sociallıq xızmetler kórsetiw sisteması engiziledi.
Usı jıldıń 1 iyun sánesinen:
Basım hám zorlıqtan jábirlengen yamasa jábirleniw qáwipi astında bolǵan hayal-qızlarǵa qorǵanıw orderi talap etpegen halda sociallıq, psixologiyalıq hám yuridikalıq xızmetler kórsetiw tártibi engiziliwi;
hayal-qızlarǵa qarata basım hám zorlıq jaǵdayı ishki isler organları náwbetshilik bóliminiń “102” telefon nomerlerine kelip túsken múrájatlar tiykarında dizimge alınıwı;
basım hám zorlıq jaǵdayı yamasa olardıń júz beriw qáwipi anıqlanǵan waqıttan baslap 24 saat ishinde tómendegiler ámelge asırılıwı belgilendi.
Bunnan tısqarı; hayal-qızlar belsendisi hám máhelledegi profilaktika inspektorı qatnasıwında basım hám zorlıqtı islegen shaxs penen sáwbetlesiw ótkeriliwi, profilaktika inspektorı tárepinen qorǵanıw orderiniń rásmiylestiriliwi, basım hám zorlıqtan jábir kórgen hayal-qızlar hám olardıń jas óspirim perzentleri oraylıq rayon(qala) emlewxanalarınıń asıǵıs qabıl bólimlerine jaylastırılıwı, rásmiylestirilgen qorǵanıw orderlari hám jábirlengen shaxslarǵa tiyisli maǵlıwmatlar “Insan” oraylarına “Birden-bir milliy sociallıq qorǵaw” xabar sisteması arqalı jiberiliwide názerde tutılǵan.
Kegeyli rayonı
ádillik bólimi bas másláhátshisi B.Ikmetullaev