Янгиликлар

Zorlıqtan jábirlengen balalarǵa qorǵanıw orderi beriw tártibi jolǵa qoyılmaqta

“Balalardı zorlıqtıń bárshe túrlerinen qorǵaw haqqında”ǵı Nızam (ÓRN–996-sanlı, 14.11.2024 j.) qabıl etildi

Nızamǵa bola, tómendegiler balalarǵa qarata zorlıqtıń turleri esaplanadı:

fizikalıq zorlıq;

jınısıy zorlıq;

ruwxıy zorlıq;

ǵamxorlıq kórsetpew;

ekspluataciya qılıw;

gúzetiw (bulling).

Balalarǵa qarata zorlıqtıń bárshe turleri nızam menen qadaǵan etiledi.

Mámleket balalardı zorlıqtıń bárshe túrlerinen qorǵaw ushın tiyisli huqıqıy, hákimshilik, sociallıq, ekonomikalıq hám basqa sharalardı kóredi.

Nızamǵa muwapıq:

➖zorlıqtan jábirleniwshilerdiń huqıqları belgilenbekte;

➖balalardı zorlıqtıń bárshe túrlerinen qorǵaw boyınsha jeke tártiptegi ilajlar belgilenip, atap aytqanda zorlıqtan jábirlengenlerge qorǵanıw orderi beriw tártibi jolǵa qoyılmaqta.

Usıǵan tiykar qorǵanıw orderi ishki isler organları tárepinen beriledi hám zorlıqtan jábirleniwshige yáki onıń nızamlı wákiline wákillikli mámleketlik uyımı qatnasıwında tapsırıladı.

Qorǵanıw orderi 30 kúnlik múddetge shekem beriledi hám rásmiylestirilgen waqıttan baslap kúshke kiredi.

Prezident janındaǵı Sociallıq qorǵaw milliy agentligi balalardı zorlıqtıń bárshe túrlerinen qorǵaw salasında wákillikli mámleketlik uyımı esaplanadı.

Agentlik járdem kórsetiw, másláhát beriw mexanizmi hám ilajlar haqqındaǵı málimle alınıwın, balalarǵa qarata zorlıq halatlarınıń aldı alınıwın támiyinlew maqsetinde Ózbekstannıń pútkil aymaǵında kúni tún isleytuǵın isenim telefonı islewin támiyinleydi.

Isenim telefonı arqalı alınǵan málimlemeni áshkara etiwge jol qoyılmaydı.

Nızam rásmiy daǵaza etilgen kúnnen baslap 6 ay ótkennen keyin kúshge kiredi.

Nızam joybarı Ádillik ministrligi hámde Sociallıq qorǵaw milliy agentligi hám basqada shólkemler tárepinen islep shıǵılǵan.

Qaraqalpaqstan Respublikası Ádillik ministrligi

Huqıqıy málimleme sektorı