Янгиликлар
27
“Awıl xojalıǵı kooperativi haqqında”ǵı Nızam (ÓRN-995-sanlı, 08.11. 2024 j.) qabıl etildi
Nızam awıl xojalıǵı kooperativiniń shólkemlestiriliwi, iskerligi, qayta shólkemlestiriliwi hám saplastırılıwı salasındaǵı qatnasıqlardı tártipke saladı.
Nızamǵa kóre, awıl xojalıǵı kooperativi - awıl xojalıǵı iskerligin ámelge asırıw ushın pay usılına, fizikalıq hám (yamasa) yuridikalıq shaxslardıń ıqtıyarıy túrde birlesiwine tiykarlanǵan ǵárezsiz kommerciyalıq shólkemi esaplanadı.
Kooperativ awıl xojalıǵı salasında xızmetler kórsetiw menen bir qatarda awıl xojalıǵı ónimlerin jetistiriw, saqlaw, qayta islew hám realizaciya qılıw, sonıń menen birge nızamda qadaǵan etilmegen basqa iskerlik túrleri menen shuǵıllanıw huqıqına iye.
16 jasqa tolǵan fizikalıq shaxslar, sonıń menen birge kooperativ ustavı talaplarına juwap beretuǵın yuridikalıq shaxslar kooperativ aǵzaları bolıwı múmkin.
Kooperativ aǵzalarınıń reestri kooperativ basqarıwı tárepinen júritiledi hám ol jaǵdayda kooperativdiń hár bir aǵzası haqqında tiyisli maǵlıwmatlar kórsetiledi.
Mámleketlik shólkemler, basqa shólkemler hám lawazımlı shaxslar kooperativdiń nızamshılıqqa muwapıq ámelge asırıp atırǵan iskerligine aralasıwǵa haqlı emes.
Bul Nızam rásmiy daǵazalanǵan kúnnen baslap úsh ay ótkennen keyin kúshke kiredi.
Qaraqalpaqstan Respublikası Ádillik ministrligi
Huqıqıy málimleme sektorı