Янгиликлар
27
Mámleketlik satıp alıwlar sistemasın jetilistiriw strategiyası islep shıǵıldı
Húkimet qararı (865-sanlı, 20.12.2024-j.) menen "2025-2027-jıllarda mámleketlik satıp alıwlar sistemasın jetilistiriw hám rawajlandırıw strategiyası" tastıyıqlandı
Oǵan bola, Strategiya tómendegilerdi názerde tutadı:
turaqlı mámleketlik satıp alıwlardı sistemalı rawajlandırıw, sonıń ishinde, "jasıl" mámleketlik satıp alıwlardı keńeytiw;
mámleketlik satıp alıwlar tarawında sanlı texnologiyalardan paydalanıwdı keńeytiw;
mámleketlik satıp alıw qatnasıwshılarınıń shártnama minnetlemelerine ámel etiliwin monitoring etiw, tallaw hám qadaǵalawdıń sanlı texnologiyalarǵa tiykarlanǵan kompleksli baǵdarlamasın engiziw;
mámleketlik satıp alıwlar tarawında qáwipti basqarıw, mápler soqlıǵısıwı hám affilleniw jaǵdayları, korrupciya hám nızamshılıqqa qayshı jaǵdaylardı anıqlaw hám olardıń aldın alıw ilajların kóriw;
mámleketlik satıp alıwlarda isbilermenlerdiń qatnasın keńeytiw;
mámleketlik satıp alıwlar tarawında normativ-huqıqıy hújjetler, oqıw-metodikalıq, ilimiy hám málimleme-analitikalıq bazanı jetilistiriw.
Sonday-aq, 2025-2027-jıllarda mámleketlik satıp alıwlar sistemasın jetilistiriw hám rawajlandırıw strategiyasın ámelge asırıw boyınsha ilajlar rejesi tastıyıqlandı.
Qaraqalpaqstan Respublikası Ádillik ministrligi
Huqıqıy málimleme sektorı