Янгиликлар
27
Qaraqalpaqstan ilimiy-ámeliy medicina akademiyası shólkemlestiriledi
"Qaraqalpaqstan ilimiy-ámeliy medicina akademiyasın shólkemlestiriwge baylanıslı ilajlar haqqında"ǵı Prezident qararı (PQ-453-sanlı, 24.12.2024-j.) qabıl etildi
Qararǵa bola, tómendegiler shólkemlestiriledi:
Yuridikalıq shaxs statusına iye bolǵan Qaraqalpaqstan ilimiy-ámeliy medicina akademiyası
Akademiya quramında ilimiy-izertlew laboratoriyası,
oqıw-simulyaciya orayı hám miymanxana.
Nókis qalasında jaylasqan mámleketlik hám mámleketlik emes emlew-profilaktika mákemeleri Akademiyanıń klinikalıq bazası esaplanadı.
Tómendegiler Akademiyanıń jumısınıń tiykarǵı baǵdarları etip belgilendi, sonıń ishinde :
medicina kadrların qayta tayarlaw hám qánigeligin arttırıw;
diagnostika hám emlewdiń joqarı texnologiyalıq innovaciyalıq usılların ámeliyatqa engiziw;
telemedicina texnologiyalarınan keń paydalanıw ushin sharayatlar jaratıw.
2025-2026-oqıw jılınan Akademiyada klinikalıq ordinaturada joqarı mamanlıqtaǵı medicina kadrların tayarlaw jolǵa qoyıladı.
2025-jıl 1-oktyabrden Akademiyanıń jumısı tolıq jolǵa qoyıladı.
Qaraqalpaqstan Respublikası Ádillik ministrligi
Huqıqıy málimleme sektorı