Янгиликлар
27
ÚGIT-NÁSIYATLAR – TIYKARǴI MAQSET NEDE?
Ómirimizde sırtı basqa, tiykarǵı maqseti basqa úgit-násiyatlar derlik hár adımda ushıraydı: televizorda, internette, kóshe bannerlerinde hám kúndeliklik sóylesiwlerimizde. Biraq biz buni sezemizbe? Tiykarǵı soraw úgit-nasiyatlaw ne hám ol bizge qanday tásir kórsetedi?
Úgit násiyatlar– belgili bir ideya yáki pikirdi ǵalabalıq tárizde sińdiriw ushın maǵlıwmattı tańlap jetkizip beriw. Maqset tek ǵana xabardar qılıw emes, bálkim insanlardıń pikirlewin, qararların hám háreketlerin basqarıw esaplanadı. Ol tiykarınan qorqıw sezimin oyatıw -“eger siz buni qabıl qılmasańız jaman áqibetlerge alıp keledi” kibi xabarlar; Tákirarlaw - bir pikirdi qayta qayta esitiw nátiyjesinde ol durıs bolıp kórine baslaydı; Bir tárepleme maǵlıwmat - tek bir pikir yáki haqıyqattın bir tárepi kórsetiledi.
Úgit-nasiyatlaw sanamızda áhmiyetli qararlar qabıllaw processin óz baqlawına aladı. Bizdi óz máplerine say qararlar qabıl qılıwǵa májbur qıladı hám tańlaw erkimizdi shekleydi. Sol sebepli hár qanday informaciyanı qabıllaǵanda kritikalıq jantasıw júda kerekli esaplanadı.
Bul mashqaladan qorǵanıw jolları - informaciyanı analiz qılıw yaǵnıy bir xabardı eki tárepleme kórip shıǵıw, bir derekke isenip qalmaw ushın basqa dereklerdi de úyreniw hám anıq tastıyıqlanǵan dáliyllerge iseniw lazım.
Nókis rayonı ádillik bólimi
Yuridikalıq xizmet kórsetiw orayı
bas yuriskonsultı A.Dauletbaeva