Янгиликлар
06
Konstituciyalıq reformalar zárúrligi
Hámmemizge belgili, hár qanday huqıqıy mámlekette, mámleket óz iskerligin tek ǵana Konstituciya hám nızamlarǵa tiykarlanıp ámelge asıradı.
Mámleketimizde 2023-jıldıń 30-aprel kúni ótkerilgen referendumda maqullanǵan Ózbekstan Respublikasınıń Jańalanǵan Konstituciya 2023-jıldıń 1-may kúninen baslap óz kúshine kirdi.
Jańalanǵan Konstituciyada statyalar sanı 128 den 155 ke, normalar sanı 275 ten 434 ke astı. Tiykarǵı nızamımızǵa 27 jańa statyalar kirgizilip, qosımsha bántler menen toltırıldı.
Konstituciyaǵa ózgerisler kirgiziw bul tábiyǵıy process bolıp, eń áhmiyetlisi, bul ózgerisler mámleket hám onıń uyımlarınıń máplerin gózlep emes, al xalqımızdıń talaplarınan kelip shıqqan halda ámelge asırıldı.
Jańa Konstituciya mámleketshilik, socialıq-siyasiy, ekonomikalıq hám sud-huqıq tarawlarınıń bunnan keyinde turaqlı rawajlanıwı ushın bekkem tiykar jaratıp berdi.
Konstituciyamızdıń hár bir statyası dúnya jámiyetshiligi tárepinen tán alınǵan hár qanday qaǵıyda hám normalarǵa mas keledi.
Burınǵı Konstituciya normalarında kópshilik jaǵdaylarda mámleketlik uyımlardıń statusı bekkemlep qoyılǵan bolsa, jańalanǵan Konstituciyaǵa oqıtıwshı kásibine baylanıslı ayrıqsha norma kirgizildi. Bunday kepillik bilimlendiriwdiń sıpatın asırıwǵa xızmet qıladı.
Bunnan basqa Konstituciyada jerge bolǵan menshik múlk huqıqı belgilep berildi hám de jańa Konstituciyada sóz hám xabar erkinligine kepillik berildi.
Juwmaqlap aytqanda, Konstituciyaǵa kirgizilgen ózgerisler zaman talabı bolıp, bul óz gezeginde puqaralarımızdıń barlıq ajıralmas huqıqların ózinde tolıq sáwlelendirip, olardıń huqıq hám erkinliklerin qorǵawdıń huqıqıy deregi bolıp xızmet qıladı.
Shımbay rayonı ádillik bólimi
Yuridikalıq xızmet kórsetiw
orayı bas yuriskonsultı D.Yerjanov