Янгиликлар
27
Ulıwma orta bilim beriw mektepleri klass basshılarınıń tayınlanıw tártibi
Mektepke shekemgi hám mektep bilimlendiriw ministrliginiń 2023-jıl 27-iyundaǵı 190-sanlı buyrıǵı menen tastıyıqlanǵan «Ulıwma orta bilimlendiriw mákemeleri klass basshısınıń lawazım nomenklaturası»nda klass basshısı mektep direktorı tárepinen lawazımǵa tayınlanadı hám azat etiledi. Klass basshıları tómendegi talaplarǵa juwap beriwi kerek:
- keminde 3 jıllıq pedagogikalıq is stajına iye bolǵan;
- mektepte tiykarǵı xızmetker sıpatında iskerlik alıp barıp atırǵan;
- basqarıwshılıq qábiletine iye bolǵan;
- oqıwshılar menen islesiw processinde juwapkershilik penen atqara alatuǵın;
- baslawısh klaslarda klass basshılıǵı baslawısh klasqa biriktirilgen oqıtıwshılarǵa júkletiledi.
Aytıp ótiw kerek mekteplerde miynetti saatpay (sonnan orındaslıq) tiykarında iskerlik alıp barıwshı oqıtıwshılardıń klasqa basshılıq qılıwına jol qoyılmaydı.
Bir oqıtıwshıǵa tek ǵana bir klass basshılıǵı tapsırıladı. Direktor orınbasarları, psixologlar klass basshıları bolıwı múmkin emes.
Yaǵnıy mektepte iskerlik júritiwshi direktordıń barlıq orınbasarları, psixologlar klass basshısı bolıwına jol qoyılmaydı.
Mekteplerdegi klass basshılarınıń iskerligin mekteptiń ruwxıylıq isleri boyınsha direktor orınbasarı qadaǵalaydı hám muwapıqlastırıp baradı.
Kegeyli rayonı ádillik bólimi
Yuridikalıq xızmet kórsetiw
orayı baslıǵı J.Joldasov