Янгиликлар
29
Ózbekstanda balalar huqıqları kepillenedi
Ózbekstan Respublikası Konstituсiyasınıń 50-statyasında “Hár kim bilim alıw huqıqına iye. Mámleket úzliksiz bilimlendiriw sisteması, onıń hár qıylı túrleri hám formaları, mámleketlik hám mámleketlik emes bilimlendiriw shólkemleriniń rawajlanıwın támiyinleydi.
Mámleket biypul ulıwma orta bilim beriw hám baslanǵısh professional tálim alıwǵa kepillik beredi. Ulıwma orta bilim beriw májburiy esaplanadı” dep belgilengen.
Konstituciyamızdıń 44-statyasında “Balalar miynetiniń balanıń den sawlıǵına, qáwipsizligine, minez-qulqına, aqılıy hám fizikalıq rawajlanıwına qáwip salıwshı, sonıń menen birge onıń bilim alıwına tosqınlıq etiwshi hárqanday túrleri qadaǵan etiledi” dep kórsetilgen.
Joqarıdaǵılardan kórinip turǵanınday mámleketimizde hár bir shaxstıń biypul bilim alıwı mámleket tárepinen ámelge asırılatuǵınlıǵı hám de balalardıń bilim alıwına tosqınlıq qılıwdıń hár qanday kórinisi qadaǵan etilgenligin kórsek boladı.
Sonday-aq, mámleketimizde 2008-jıl 7-yanvarda kúni ÓRN-139 sanlı “Bala huqıqlarınıń kepillikleri haqqında”ǵı Nızamı qabıl etilgen bolıp, bul Nızam arqalı balalardıń huqıqların qorǵaw mámleket siyasatı dárejesinde ekenliginen derek beredi. Jánede, Ózbekistan Respublikasınıń 2020-jıl 23-sentyabrde ÓRN-637 sanlı “Bilimlendiriw haqqında”ǵı Nızamı qabıl etilgen. Bul Nızamnıń 5-statyasında “Jinsi, ırqı, milleti, tili, dini, social kelip shıǵıwı, sociallıq abıroyına qaramastan, hár kimga bilim alıw ushın teń huqıqlar kepillenedi” deb belgilengen.
Joqarıdaǵılarǵa tiykarlanıp aytatuǵın bolsaq, mámleketimizde jasap atırǵan hár bir bala mámeleket tárepinen biypul bilim alıw huqıqına iye hám de bul mámleket tárepinen ámelge asırıladı.
Qanlıkól rayonı ádillik bólimi
bas másláhátshisi R.Komekbaev