Янгиликлар
25
Gerbli gúwalıqlar
Gerbli gúwalıqlar blankaları qatań esapta turıwshı hújjetler bolıp esaplanadı hám Ózbekstan Respublikası Ádillik ministrligi tárepinen birden-bir úlgide tastıyıqlanatuǵın tiyisli tártipte qorǵalatuǵın dárejege iye bolǵan arnawlı qaǵazda tayarlanadı.
Gerbli gúwalıqlar blankaların tayarlaw Ózbekstan Respublikası Ádillik ministrliginıń buyırtpası tiykarında Ózbekstan Respublikası Oraylıq banki janındaǵı «Mámleket belgisi» mámleketlik islep shıǵarıw birlespesi tárepinen ámelge asırıladı.
Puqaralıq halatı akt jazıw bólimlerinde Ózbekstan Republikası Ministrler Kabinetiniń 26.09.2018-jıl kúngi 768-sanlı Qararına muwapıq 2019-jıl 1-yanvar kúninen baslap tuwılǵanlıq, neke dúzilgenligi, nekeni biykar etiw hám ólim haqqında gerbli gúwalıqlar blankaların qolda toltırıw boyınsha talaplar biykar etilip hám olardı málimleme -kommunikaciya texnologiyalarınan paydalanǵan halda tek ǵana baspa háripler menen toltırıw tártibi engizildi. Puqaralıq halatı akt jazıw bóliminde puqaralarǵa puqaralıq halatı akt jazıwı dizimge alınǵanlıǵı haqqında gerbli gúwalıqlar, zárúr jaǵdaylarda tákirariy gúwalıqlar hám maǵlıwmatnamalar beriledi.
Qanlıkól rayonı ádillik bólimi
PHAJ bólimi 1-dárejeli inspektorı. J.Seytjanova