Янгиликлар
27
Jer qatnasıqlarında ámelge asırılıp atırǵan reformalar
Jer qatnasıqlarında ámelge asırılıp atırǵan reformalar
2021-jıl 8-iyunda Ózbekstan Respublikası Prezidentiniń «Jer qatnaslarında teńlik hám ashıqlıqtı támiyinlew, jerge bolǵan huqıqlardı isenimli qorǵaw hám olardı bazar aktivine aylandırıw ilajları haqqındada»ǵı Pármanı qabıl etildi.
Pármanda jer uchastkaların ajıratıwdıń hámme ushın teń, ashıq hám bazaar principlerıne tiykarlanǵan rejimin engiziw, jerge tiyisli múlkshilik hám huqıqıy qatnaslarda turaqlılıqtı támiyinlew, jerlerdi qorǵaw, jer iyeleriniń múlkshilik huqıqlarına kepillik beriw, sonıń menen birge, jerdiń ekonomikalıq qunın belgilew arqalı onı puqaralıq huqıqıy qatnaslar obiyekti retinde erkin aylanısqa kirgiziw tiykarǵı maqset etip alındı.
Pármanǵa kóre 2021-jıl 1-avgusttan baslap:
Jer uchastkaları jeke sektorǵa – múlk hám ijara huqıqı tiykarında, mámleketlik organlar, shólkemler, kárxanalar, puqaralardıń ózin-ózi basqarıw shólkemlerine turaqlı paydalanıw huqıqı tiykarında ajratıladı;
Miyras etip qaldırılatuǵın bir ómirlik iyelik etiw, turaqlı iyelik etiw, waqtınsha paydalanıw huqıqı menen jer ajıratıw tártibi biykar etiledi, bunda ilgeri ajıratılǵan jer uchastkalarına bolǵan bunday huqıqlar olardıń iyelerinde ámeldegi tártipte saqlanıp qaladı;
Ijara uchastkasında nızamshılıqta belgilengen tártipte qurılǵan kóshpes múlk obiyektine múlk huqıqı basqa shaxsqa ótken táǵdirde, bul obiyektke múlk huqıqı menen birgelikte ol jaylasqan jer uchastkasına bolǵan ijara huqıqı da jańa múlkdarǵa ótedi;
Awıl xojalıǵına arnalǵan jerler barlıq túrdegi awıl xojalıǵı ónim islep shıǵarıwshıları qatnasa alatuǵın elektron onlayn auksion juwmaqlarına kóre, tek ǵana ijara huqıqı tiykarında ajratıladı;
Awıl xojalıǵına qaratılmaǵan jerler múlk huqıqı hám ijara huqıqı tiykarında elektron onlayn-auksion arqalı realizatsiya etiledi;
Mámleketlik shólkemlerge jer uchastkaları jámiyetlik mútajlikleri ushın Qaraqalpaqstan Respublikası Ministrler Keńesi, wálayatlar hám Tashkent qalası hákimleriniń qararı menen turaqlı paydalanıw huqıqı menen ajratıladı;
Barlıq jaǵdaylarda jer uchastkaları tek bos turǵan hám rezervge alınǵan jerlerden ajratıladı, áyne bir hújjet penen yamasa bir waqıttıń ózinde jer uchastkasın alıp qoyıw, rezervge alıw, basqa shaxsqa ajıratıw jer beriw tártibin buzıw esaplanadı hám nızamǵa muwapıq juwapkerlikke tartıw ushın tiykar boladı;
Mámleketlik-jeke sheriklik joybarları hám sociallıq paydalı maqsetlerge erisiwge qaratılǵan joybarlardı ámelge asırıwda jer uchastkaları mámleketlik shólkemine turaqlı paydalanıw huqıqı menen ajratıladı, bul jerler mámleketlik-jeke yamasa social sheriklik tuwrısındaǵı kelisimniń ámel etiw múddetine jeke sheriklik, mámleketlik emes kommerciyalıq emes shólkemi hám puqaralıq jámiyetiniń basqa institutlarına ijaraǵa beriliwi múmkin;
kóp kvartiralı úy jaylasqan hám oǵan tutas jer uchastkası, eger kóp kvartiralı úy-jaylardıń múlk iyelerine basqa huqıq penen tiyisli bolmasa, olarǵa ulıwma paydalanıw ushın Qaraqalpaqstan Respublikası Ministrler Keńesi, wálayatlar hám Tashkent qalası hákimleri tárepinen turaqlı paydalanıw huqıqı tiykarında ajratıladı;
Pármanǵa kóre, Ministrler Kabineti esaptan tısqarı jol menen tek tómendegi jaǵdaylarda jer uchastkaların tuwrıdan-tuwrı ijaraǵa beriwge haqılı, awıl xojalıǵı tarawında ilimiy izertlew hám tájiriybe sınaqların ámelge asırıw ushın mámleketlik ilimiy-izertlew hám bilimlendiriw mákemelerine - Awıl xojalıǵı ministrliginiń usınısına tiykarlanıp, arnawlı ekonomikalıq zonalarda investitsiya joybarların ámelge asırıw ushın, sonıń menen birge, jergilikli hám shet el investorları, sonday-aq shetel investitsiyaları qatnasıwındaǵı kárxanalar, shet el yuridikalıq hám fizikalıq shaxslar tárepinen bahası keminde 10 million AQSh dolları ekvivalentinde (jer maydanı kólemine kóre artıp baradı ) bolǵan iri investitsiya joybarın ámelge asırıw ushın - eń jaqsı usınıstı tańlap alıw jolı menen joybar bahasıkeminde 5 payızına teń qarjı aldınnan arnawlı esap betine jaylastırılǵanda hám jer uchastkasına ijara huqıqınıń bahalaytuǵın shólkem tárepinen anıqlanatuǵın bazar bahasına salıstırǵanda koefficiyentlerde belgilenetuǵın muǵdardaǵı qarjını mámleket byudjetine tólew shárti belgilengen.
Taxtakópir rayonı yuridikalıq xızmet
kórsetiw orayı baslıǵı A.Allaniyzov