Янгиликлар
06
Ózbekstan Respublikası Konstituciyası keleshegimız tiykarı
2023-jıl 30-aprelde qabıl etilgen jańa redakciyadagi Konstituciya qabıl etilip, derlik kópshilik statyalarǵa ózgeris kiritilip, kóplep normalar qosılǵan jańa Konstituciyada mámleket basqarıwı, sud sisteması, puqaralıq jámiyet institutlarınan tısqarı fizikalıq shaxslarǵa hám olardı qıynap kiyatırǵan mashqalalarǵa da toqtap ótilgen.
Atap aytqanda, Konstituciyanıń 52-statyasında oqıtıwshılar haqqında aytıp ótilgen. Bunda Jańa redakciyadaǵı Konstituciyamızda ustazlardıń huqıqları olardıń jámiyettegi ornı úlken áhmiyetge iye ekenligin kórsetedi.
Bunnan tısqarı kóplep jıllardan beri xalqımızdi náriyza qılıp kiyatırǵan jaǵdaylardan biri "snos" esaplanadı. Jaqın kúnlerge shekem snosqa túsken úyler esh qanday razı-rızalıqsız buzılǵan. Durıs, kompensaciya tólemleri berilgen, biraqta bul buzılǵan úydin summasınıń haqıyqıy bahasınan tómen bolıw kóplep ushırasqan. Al jańa Konstituciya qabıl etilgeninen soń bul mashqalaǵa tereńirek itibar berilip, endi úy iyesiniń ruqsatısız turaq-jaylarınıń buzılıwı qadaǵalawga alındı.
Prezidentimiz 2022-jıl 20-iyundaǵi Konstituciyalıq komissiya aǵzaları menen ushırasıwındaǵı sózinde Konstitutciyamızda puqaralarımızdıń úy-jayǵa bolǵan huqıqların qorǵaw onıń qol qatılmaslıǵın kepillew xalıqtıń bárshe qatlamları, ásirese mútaj taypalardı úy-jay menen támiyinlew boyınsha mámlekettiń majbúriyatların bekkemlew zarúrligine óz aldına itibar qaratqan edi.
Sonıń menen birgelikte jer nızamda názerde tutılǵan tárizde onnan tuwrı paydalanıwdı hám onı ulıwma milliy baylıq sıpatında qorǵawdı támiyinlewshi shártler tiykarında hám tártibinde jeke múlik bolıwı múmkinligi belgilendi.
Aldın puqaralarǵa tiyisli úy-jaylar jaylasqan jer uchastkaları yáki miyras qılıp qaldırılǵan ómirlikke iyelik qılıw huqıqındaǵı jerlerge turaqlı paydalanıw huqıqı beriletuǵın bolǵan. Yaǵnıy obyekt sizge tiyisli bolsa da onıń jeri sizge tiyisli emes edi. Usı jer uchastkaların menshiklestiriw ushın endi fizikalıq hátteki yuridik shaxslar da Mámleketlik xızmetler orayı yáki Birden-bir mámleketlik xızmetler interaktiv portalı (my.gov.uz) ǵa múrájat etiwi mumkin.
Bozataw rayonı ádillik bólimi
Yuridikalıq xızmet kórsetiw
orayı baslıǵı T.Tańatarov.