Янгиликлар
25
Nekeleniwshi shaxslardıń nızamlı nekeden aldın medicinalıq kórikten ótiwdiń áhmiyeti.
Shańaraq adam ómiriniń tiykarǵı buwını. Shańaraqtıń bekkem bolıwın oylap, nekeden aldın nekeleniwshi shaxslardı medicinalıq kórikten ótkeriw taza shańaraqtın bekkemligin hám tuwılatuǵın perzentlerdiń barkamallıǵın táminleydi.
Nekeden aldın medicinalıq kóriktiń ahmiyetin jol-jobasın aytatuǵın bolsaq: nekeleniwshi shaxslardı medicinalıq kórikten ótiwi biypul esaplanadı.Ózbekstan Respublikası Ministrler Kabinetiniń 2003-jil 25-avgusttaǵı «Nekeleniwshi shaxslardı medicinalıq kórikten ótkeriw haqqındaǵı Rejeni tastıyıqlaw haqqında»ǵı Qararına muwapıq, nekeleniwshi shaxslar biypul kórikten ótkeriledi. Nekeleniwshi shaxslardı medicinalıq kórikten ótkeriwden tiykarǵı maqset-násillik keselliklerdiń aldın alıw, shańaraqta salamat ortalıqtı jaratıw bolıp tabıladı. Barlıq nekeleniwshiler turmıs qurıwdan aldın medicinalıq kórikten ótiwi shárt. Sodan keyin, medicinalıq kóriktiń juwmaǵına qarap, bolajaq shańaraq wákilleri qarar qabıl qıladı. Nekeleniwshi shaxslardıń medicinalıq kórikten ótiwinıń qay tártipte ámelge asırılıwın aytatuǵın bolsaq «Nekeleniwshi shaxslar birden-bir Interaktiv mámleketlik xızmetleri portalı arqalı nekeni dizimge alıw ushın arza beredi. Sonnan keyin, jiberilgen arzanı PHAJ bólimi kórip shıǵıp, nekeleniwshi shaxslarǵa medicinalıq kórikten ótiw ushın jollanba beredi. Jollanbanı házirde PHAJ bólimlerine kelip qaǵaz formasında alsa da boladı. Jollanbanı alıp ózine jaqın kóp tarmaqlı poliklinikaǵa baradı. Medicinalıq kórikten ótkennen soń, neke dúziwge Ózbekstan Respublikası Shańaraq Kodeksinde názerde tutılǵan tosıqlar bolmaǵanda, PHAJ bólimleri tárepinen nekeni dizimge alıw belgilengen tártipte ámelge asırıladı. Bolajaq jas shańaraq qanday Medicinalıq kórikten ótiw haqqında aytatuǵın bolsaq:
Jaslar kóp tarmaqlı oraylıq poliklinikalarda biypul dispanserizatsiyadan, yaǵnıy kardiolog, endokrinolog, revmatolog qániygeleri menen neke aldı medicinalıq kórikten ótedi hám de qosımsha UTT, EKG, ulıwma qan analizi, qandaǵı qant muǵdarı anıqlanadı. Sonday-aq, ruwxıy kesellikler (shizofreniya, epilepsiya, oligofreniya) boyınsha tekseriw, narkologik kesellikler boyınsha tekseriw, zaqım boyınsha tekseriw, sil (tburkulyez) boyınsha tekseriw, OIV/OITS boyınsha tekseriw alıp barıladı. Nekeleniwshi shaxslardıń medicinalıq kórik natiyjeleri haqqında medicina birlespesi juwmaǵı maǵlıwmatnamada kórsetiledi. Maǵlıwmatnama medicina birlespesiniń móri hám basshısınıń qol tańbası menen tastıyıqlanadı.
Bozataw rayonı ádillik bólimi
Yuridikalıq xızmet kórsetiw
orayı baslıǵı T.Tańatarov.